586. ജീവവാതിലാകുമേശു നായക
1 ജീവവാതിലാകുമേശു നായക! നീ വാഴ്ക!
നായക! നീ വാഴ്ക! പാപവനദാവ!
2 നിന്നിലൂടെ കടക്കുന്നോര്‍ രക്ഷിതര്‍ നിരന്തം
രക്ഷിതര്‍ നിരന്തം-ശിക്ഷയവര്‍ക്കില്ല
3 ഭക്ഷണമവര്‍ക്കു ഭവാന്‍ നിശ്ചയമായ് നല്‍കും
നിശ്ചയമായ് നല്‍കും -പച്ചമേച്ചിലെന്നും
4 ജീവനറ്റ നിന്നജങ്ങള്‍ക്കായി നീ മരിച്ചു
ജീവനസമൃദ്ധി -നാഥാ! നീ വരുത്തി
5 അല്ലലുള്ളൊരാടുകള്‍ക്കു നല്ലിടയനാം നീ
ഉള്ളലിഞ്ഞു തോളി-ലേന്തു ദു:ഖനാളില്‍
6 നിന്നജങ്ങള്‍ നിന്നെയറിയുന്നു നിഖിലേശാ!
നിര്‍ണ്ണയവരെ -നീയുമറിയുന്നു
7 നിത്യജീവനരുളുന്നു നീയവര്‍ക്കു നാഥാ!
ആയവര്‍ നശിപ്പാ-നാവതല്ല തെല്ലും
8 ഇന്‍പമേറും നിന്‍ സ്വരത്തെ കേട്ടുകൊണ്ടു ഞങ്ങള്‍
പിന്തുടരും നിന്നെ-ചന്തമോടുതന്നെ
9 നിന്‍ പിതാവു നിന്‍റെ കൈയില്‍ തന്നോരജകൂട്ടം
വന്‍പെഴുന്ന വൈരി-കൊണ്ടുപോകയില്ല-
Download pdf