213. ജീവനെനിക്കായ് വെടിഞ്ഞ ദേവകുമാരാ!
ജീവനെനിക്കായ് വെടിഞ്ഞ ദേവകുമാരാ!
ദേവകുമാരാ! സര്‍വ്വപാപവിദൂരാ!
1 സ്വര്‍ഗ്ഗമഹിമാസനവും നിസ്തുലപ്രഭാനിറവും
അത്രയും വെടിഞ്ഞു ഭൂവിലവതരിച്ചോനേ!
അവതരിച്ചോനേ! താഴ്മ സ്വയം വരിച്ചോനേ!
2 അഞ്ചുയവയപ്പവും മീന്‍ രണ്ടുമങ്ങെടുത്തു വാഴ്ത്തി
അഞ്ചു സഹസ്രം ജനത്തെ പോഷിപ്പിച്ചോനേ!
പോഷിപ്പിച്ചോനേ! ഹാ! സന്തോഷിപ്പിച്ചോനേ!
3 കൂരിരുള്‍ നിറഞ്ഞതാമിപ്പാരിനു പ്രകാശം നല്‍കി
ഭൂരിസുഖമരുളും മൊഴി അരുളിചെയ്തോനേ!
അരുളിചെയ്തോനേ! ജീവവഴി തെളിച്ചോനേ!
4 പാതകര്‍ നടുവില്‍ മഹാ-പാതകനെപ്പോല്‍ കുരിശില്‍
നീ തകര്‍ന്നു മൃതിയടഞ്ഞതോര്‍ക്കുന്നയ്യോ! ഞാന്‍
ഓര്‍ക്കുന്നയ്യോ! ഞാന്‍ അതെന്‍ പേര്‍ക്കെന്നറിഞ്ഞേന്‍-
Download pdf