570. ജീവനായകനേ! മനുവേലേ!
ജീവനായകനേ! മനുവേലേ! ലേ ലേ ലെന്‍ ജീവനായകനേ!
1 ജീവകൃപയിന്‍ നിജവിയര്‍പ്പു വെള്ളമെന്‍റെ
മേലൊഴിച്ചു പാപത്തില്‍നിന്നുണര്‍ത്തി നാവിലൊരു പുതിയ
പ്രാര്‍ത്ഥനയെ പകര്‍ന്ന-വന്‍-എന്‍-എന്‍-എന്‍-എന്‍
2 തന്നുയിരിന്നിരിപ്പതാം രുധിരം തന്നി-
ലെന്നുമിരിക്കുമുഷ്ണം തന്നെനിക്കു എന്നുമുയിരില്‍ മരുവും
മരണവിഷമൊഴിച്ച-വന്‍-എന്‍-എന്‍-എന്‍-എന്‍
3 വിശുദ്ധിവരുത്തുമാറിങ്ങിന്നാത്മാവിനെ നല്‍കീ-
ട്ടശുദ്ധമാമിരുളെന്നുള്ളില്‍ നിന്നകറ്റി വിശ്വാസം പ്രത്യാശ സ്നേഹ
മെന്നാത്മാവിങ്കല്‍ തന്ന-വന്‍-എന്‍-എന്‍-എന്‍-എന്‍
4 ഉയിര്‍ത്തു മറിയയ്ക്കു പ്രത്യക്ഷമായ പോലിപ്പാ-
പിയാമെനിക്കുള്ളത്തില്‍ പ്രത്യക്ഷമായവന്‍ ഒഴുകും സ്നേഹ
വാക്കാലെന്നുള്ളമൊക്കെയും കവര്‍ന്ന-വന്‍-എന്‍-എന്‍-എന്‍-എന്‍
5 തന്നുടെ ജഡത്തോടുമസ്ഥിയോടുമൊന്നായെന്നെ-
യെന്നും പിരിയാതവണ്ണം ചേര്‍ത്തുകൊണ്ടവന്‍ തന്നുള്ളം തുറന്നു
മനമെല്ലാമെന്നോടറിയിച്ച-വന്‍-എന്‍-എന്‍-എന്‍-എന്‍
6 ആധികളൊഴിച്ചെന്നെ കാക്കുന്നവന്‍ ഭക്ഷ-
ണാദികള്‍ തന്നു നിത്യം പോറ്റുന്നവന്‍ നീതി വഴിയിലെന്നെ
നടത്തിക്കൊണ്ടുവരുന്ന-വന്‍-എന്‍-എന്‍-എന്‍-എന്‍
7 ഞാനവനുമവനെനിക്കുമെന്നും സ്വന്തം
ഞാനവനൊഴികെ മറ്റാരെയുമെ നൂനമറിയു-
ന്നില്ലവനെനിക്കെല്ലാമായ-വന്‍-എന്‍-എന്‍-എന്‍-എന്‍
Download pdf