Lyrics : T.K.S.
രീതി: നീതിമാന്റെ പ്രാര്ത്ഥന
ജീവനാഥനേശുദേവനെത്ര നല്ലവന്!
അവനെ രുചിച്ചറിഞ്ഞിടുന്ന മനുജന് ഭാഗ്യവാന്
1 നാകലോകേ നിന്നുമാഗമിച്ചീ ഭൂവിയാഗമായ് താന് നരര്ക്കായ്
ആരിതു വിശ്വസിച്ചാശ്രയിച്ചിടുമോ ആയവന് ഭാഗ്യവാന്-
2 ആശ്രയിച്ചിടുന്ന ദാസര്ക്കനുദിനമാശ്വാസദായകന് താന്
ആരുമിതുവരെ ലജ്ജിതരല്ലവന് ചാരേയണഞ്ഞതിനാല്-
3 തന്റെ വചനങ്ങള് പാതയും ദീപമായ് കണ്ടു സഞ്ചാരം ചെയ്താല്
അന്ത്യംവരെയുമൊരന്ധതയുമെന്യേ സന്തോഷത്തോടെ പോകാം-
4 മുമ്പേ തന്രാജ്യവും നീതിയുമന്വേഷിക്കുമ്പോളതോടുകൂടെ
സമ്പത്തെന്താവശ്യമുണ്ടെന്നറിഞ്ഞു താനന്പോടന്നന്നു നല്കും-
5 സംഭ്രമമുണ്ടാക്കും സംഭവങ്ങള് പാരില് സന്തതം കേട്ടിടുമ്പോള്
തന്പദത്തെയവലംബമായ് കാണുകില് തുമ്പങ്ങള് തീര്ന്നുപോകും
![](images/PDF.gif)
Download pdf