513. ജീവനദി ശബ്ദം മുഴങ്ങിടുന്നു
രീതി: ക്രിസ്തുവിന്‍റെ ദാനം
1 ജീവനദി ശബ്ദം മുഴങ്ങിടുന്നു
സകലത്തിന്‍മേലും ജയം കൊള്ളുന്നു
പാപവാഴ്ച നീക്കി ഭരിച്ചു തന്‍റെ
പാവനമാം ശക്ത്യാ ജയം നല്‍കുന്നു
യഹോവയില്‍ തന്‍റെ ബലം വയ്പവന്‍
സഹായത്തിനൊന്നും കരുതേണ്ടിനി
2 വിശ്വാസത്താലത്രേ രക്ഷിതനായ് ഞാന്‍
ആശ്വസിപ്പാനിത്രയ്ക്കരുളിയവന്‍
നിശ്വസിത വാക്കാല്‍ നിറച്ചു തന്‍റെ
നിയമത്തിനുള്ളില്‍ നിലയേകിനാന്‍-
3 പുതുനിയമത്തിന്‍ രക്തമെന്നുടെ
വിധുരത നീക്കി ഗതിയേകി മേ
അതിവിശുദ്ധാത്മാ പകര്‍ന്നെപ്പോഴും
മതിയിങ്കല്‍ വാഴുന്നവന്‍ ദയയാ-
4 തന്‍തിരുവാഗ്ദത്തമോര്‍ത്തിടുമ്പോഴെന്‍
വെന്തുരുകും ചിത്തം മകിഴ് കൊള്ളുന്നു
ബന്ധുവവനെന്നെ ചന്തമായ് കാത്തു
തന്‍തിരുഭാഗ്യത്തിന്‍ പങ്കു നല്‍കുന്നു-
5 കടല്‍ മദ്ധ്യത്തില്‍ ഞാന്‍ കിടക്കുകിലും
തടവില്ല തന്‍കൈ നടത്തുമെന്നെ
തിരമാലയേറി താഴ്ത്തുവാന്‍ വന്നാല്‍
തിരുക്കൈയെ നീട്ടി ചേര്‍ത്തുകൊള്ളും താന്‍-
6 അന്ധകാരം തിങ്ങുമിദ്ധരെ വന്‍തിരകളെന്നെ ചൂഴ്ന്തുവരവേ
അന്ധകാര മദ്ധ്യേ ഞാന്‍ കരയുമ്പോള്‍
സന്താപത്തെ നീക്കാന്‍ താനൊരുങ്ങിടും-
Download pdf