1137. ജയ! ജയ! ക്രിസ്തുവിന്‍ തിരുനാമം
ജയ! ജയ! ക്രിസ്തുവിന്‍ തിരുനാമം പാപികള്‍ക്കാനന്ദ വിശ്രാമം
ജയ! ജയ! നിര്‍മ്മല സുവിശേഷം കുരിശിന്‍ നിസ്തുല സന്ദേശം
1 പാപം തരുവതു വന്‍മരണം ശാപം നിറയുമെരിനരകം
കൃപയാല്‍ ദൈവം നല്‍കുവതോ ക്രിസ്തുവില്‍ പാപവിമോചനമേ-
2 നരകാഗ്നിയില്‍ നാമെരിയാതെ ചിരകാലം നാം വലയാതെ
പരഗതി നമ്മള്‍ക്കരുളാനായ് പരമസുതന്‍ വന്നിഹ നരനായ്-
3 ആത്മവിശപ്പിനു വിരുന്നും വന്‍ പാപവിഷത്തിനു മരുന്നും താന്‍
തീരാവിനകള്‍ തീര്‍ക്കുമവന്‍ ധാരാളം കൃപ നല്‍കുമവന്‍-
4 കുരിശില്‍ ചിന്തിയ തന്‍ചോരക്കൊരു നികരുണ്ടോയിനി വേറെ
തിരുനാമം പോലൊരു നാമം തരുമോ ശാശ്വത വിശ്രാമം?
5 ഇതുപോലിനിയാര്‍ സ്നേഹിപ്പാന്‍ ഇതുപോലാരിനി സേവിപ്പാന്‍
അനുദിനം നമ്മെ പാലിപ്പാന്‍ ആരുണ്ടിതുപോല്‍ വല്ലഭനായ്-
6 ഗുരുവരനേശുവിന്നരികില്‍ വരുമ്പോഴുതാനന്ദം പരമാനന്ദം
തിരനിര തീര്‍ന്നിനിയക്കരെ നാട്ടില്‍ ചേരുമ്പോഴെന്താനന്ദം!-
Download pdf