1110. ജയഗീതം ഗീതം പാടിടുവിന്‍
ജയഗീതം ഗീതം പാടിടുവിന്‍
യേശുക്രിസ്തുവിന്‍ സൈന്യങ്ങളെ അനുദിനവും
യേശു രാജാധിരാജന്‍ ജയിക്കട്ടെ യെരിഹൊ
മതിലുകള്‍ വീണിടട്ടെ സ്തുതിധ്വനിയാല്‍
1 നാമിന്നു പാടി പുകഴ്ത്തിടാം നാടെങ്ങും മുഴങ്ങട്ടെ തന്‍നാമം
തേജസ്സെഴുന്ന ക്രൂശിന്‍ സുവാര്‍ത്ത ദേശരഖിലരുമറിയട്ടെ-
2 ഘോര വിപത്തുകളണഞ്ഞാലും പാരിടമിളകിയുലഞ്ഞാലും
പതറുകില്ല യേശുവിന്‍ ജനത പാട്ടുപാടിയുണര്‍ന്നിടുമെ-
3 യേശുതാന്‍ വഴിയും സത്യവുമാം ജീവനും മോക്ഷ കവാടവുമാം
പാപികളാകും മാനവര്‍ക്കെല്ലാം ഏകരക്ഷകന്‍ താന്‍ തന്നെയാം-
4 മരണത്തെ ജയിച്ചുയിര്‍ത്തേശുപരന്‍ പരമതില്‍ വാഴുന്നുന്നതനായ്
പാരിലനീതികളാകയും നീക്കി വാഴുവാന്‍ വേഗം വരും! വരും!-
Download pdf