Lyrics : K.J.G.രീതി: കര്ത്താവെ ജയസത്യാരാമമെ
ചൊല്ലാമേ സ്തുതി വല്ലഭനേശുവിന്ന്
വല്ലഭന്റെ നല്ല നാമമേറ്റു ചൊല്ലൂ നമ്മളിന്നു
1 സര്വ്വം ചമച്ചവന് പുല്ലില്ക്കിടന്നു
കീറത്തുണിത്തുണ്ടില് മാതാവിന് ചാരേ
ദൈവത്തിന് സൂനുവെക്കണ്ടു വിദ്വാന്മാര്
കാഴ്ചകളര്പ്പിച്ചു തന്സ്തുതി ചെയ്തല്ലോ-
2 ദ്വാദശപ്രായത്തിലേശു മഹേശന്
വേദവെളിവോടങ്ങാലയം പൂകി
വേദത്തിന് സാരത്തെ ജ്ഞാനത്തോടോതി
വേദജ്ഞരാദരം കാട്ടിയേ തന്മുമ്പില്-
3 യേശുവിന് സ്നാനം നടന്നോരു നേര-
ത്താകാശേ നിന്നീശ ശബ്ദമുതിര്ന്നു
ദൈവത്തിന് പ്രീതി തന് പുത്രനില് മാത്രം
ഏവരും തന് മൊഴി കേള്ക്കുക യോഗ്യമാം-
4 നീതിയിന് നേര്വഴി പാപിയെക്കാട്ടാന്
പാപം വഹിച്ചേശു ക്രൂശിന്മേലേറി
ശാപത്തിലാണ്ടോരിന് വീണ്ടെടുപ്പായി
ജീവനില് താനുയിര്ത്തുന്നതേ വാഴുന്നു-
5 പാപത്തിന് ശിക്ഷ കൊടുപ്പോരു ദൈവം
മോചനം തന്നതോ തന് നിണം മൂലം
ജീവന് പകര്ന്ന തന് ചോരയാലെന്നും
ശുദ്ധി ലഭിച്ചവര് തന് സ്തുതി ചെയ്യണം
6 താതന് തന്വാസസ്ഥലത്തു നമുക്കായ്
വീടുകള് തീര്ത്തിട്ടു വേഗം വരുന്നോ-
രേശുവിന് മുന്നിലന്നേവരും വീഴും
കര്ത്തന് താനേശുവെന്നെല്ലാരും ചൊല്ലുമേ-
Download pdf