1 ക്രൂശിന്മേല് ക്രൂശിന്മേല് കാണുന്ന-താരിതാ
പ്രാണനാഥന് പ്രാണനാഥന് എന്പേര്ക്കായ് ചാകുന്നു!
2 ആത്മാവേ പാപത്തിന് താഴ്ച നീ കാണുക
ദൈവത്തിന് പുത്രനീ ശാപത്തിലായല്ലോ-
3 ഇത്രമാം സ്നേഹത്തെ എത്രനാള് തള്ളി ഞാന്
ഈ മഹാ പാപത്തെ ദൈവമേ ഓര്ക്കല്ലേ-
4 പാപത്തെ സ്നേഹിപ്പാന് ഞാനിനി പോകുമോ
ദൈവത്തിന് പൈതലായ് ജീവിക്കും ഞാനിനി-
5 കഷ്ടങ്ങള് വന്നാലും നഷ്ടങ്ങള് വന്നാലും
ക്രൂശിന്മേല് കാണുന്ന സ്നേഹത്തെ ഓര്ക്കും ഞാന്-
6 പാപത്തിന് ശോധന ഭീമമായ് വരുമ്പോള്
ക്രൂശിന്മേല് കാണുന്ന സ്നേഹത്തെ ഓര്ക്കും ഞാന്-
7 പാപത്തിന് ഓളങ്ങള് സാധുവെ തള്ളുമ്പോള്
ക്രൂശിന്മേല് കാണുന്ന സ്നേഹത്തെ ഓര്ക്കും ഞാന്-
8 ശത്രുത്വം വര്ദ്ധിച്ചാല് പീഡകള് കൂടിയാല്
ക്രൂശിന്മേല് കാണുന്ന സ്നേഹത്തെ ഓര്ക്കും ഞാന്-
9 ആത്മാവേ ഓര്ക്ക നീ ഈ മഹാ സ്നേഹത്തെ
ദൈവത്തിന് പുത്രന് ഈ സാധുവെ സ്നേഹിച്ചു-
![](images/PDF.gif)
Download pdf