391. ക്രിസ്തേശുവിന്‍റെ സേനയില്‍ ഞാന്‍
1 ക്രിസ്തേശുവിന്‍റെ സേനയില്‍ ഞാന്‍ ചേര്‍ന്നു നില്‍ക്കുന്നു
തന്‍രക്തമാം കൊടികരത്തിലേന്തിസ്സ ധൈര്യമായ്
ജഗത്തിന്‍ നായകാ! ദരിദ്രനായ ഞാന്‍
ഇരിക്കും നാളെല്ലാം നിന്നുടെ കാരുണ്യം
പുകഴ്ത്തും സര്‍വ്വവും നിനക്കായര്‍പ്പിക്കും നമിക്കും തൃപ്പാദങ്ങളില്‍
2 ലോകത്തിനാശിസ്സേകിടും നിന്‍ക്രൂശിന്‍ വചനം
ആവുന്നമട്ടിലോതുവന്‍ നിസ്തര്‍ക്കമായെങ്ങും
എനിക്കായ് പീഡകള്‍ സഹിച്ച നാഥനേ
സ്മരിക്കും നേരത്തിന്‍ ദുര്‍ഘടമേതിലും
ക്ഷീണിക്കുന്നില്ല ഞാന്‍ താണുപോകുന്നില്ല ഞാന്‍
യേശുവിന്‍ കരബലത്താല്‍
3 വിശ്വാസപ്പോരില്‍ മുമ്പനായ് ഞാന്‍ നില്‍ക്കും, ദൈവത്തിന്‍
നിശ്വസ്തവാക്കാം വാളിനാല്‍ ഹനിപ്പേന്‍ വൈരിയെ
ശക്തരാം വീരന്മാര്‍ ജീവനെ ത്യജിച്ചും
സത്യത്തെക്കാത്തൊരിപ്പോര്‍ക്കള സ്ഥാനത്തില്‍
രക്തത്തിന്നന്ത്യമാം തുളളിയും ചിന്തി ഞാന്‍ ക്രിസ്തനെയനുകരിക്കും
4 കെട്ടീടുമേ അരയ്ക്കു സത്യമെന്നകച്ച ഞാന്‍
ധരിക്കുമേ സുനീതിയാം കവചവും സദാ
തന്‍ സുവിശേഷത്തിന്‍ യത്നമെന്‍ ചെരിപ്പും
രക്ഷ എന്‍ ചാരുവാം തലക്കോരികയും
വിശ്വാസഖേടവും ധരിച്ചു പോരുവെന്‍ ഉഗ്രമാം ആത്മയുദ്ധത്തില്‍
5 ഒട്ടല്ല വന്നു തട്ടിടും വന്‍പട്ടിണിയിലും
വിട്ടോടുവാന്‍ തുനിഞ്ഞുകൂടാ കഷ്ടങ്ങളിലും
കഷ്ടമുണ്ടാകിലും കര്‍ത്തനെ നോക്കി ഞാന്‍
ശത്രുവിന്‍ കൂട്ടത്തെവെട്ടി മുന്നോട്ടു താന്‍
തുഷ്ടി പൂണ്ടേറണം സൈന്യനാഥന്‍ തരും
ആജ്ഞകള്‍ കാത്തു ജീവിപ്പാന്‍-
6 ഉള്ളിന്നു ദു;ഖമേറ്റൊലാ കുടുംബ ഭാരത്താല്‍
കള്ളിന്നു ശത്രുവാകണം സുാധേം പാലിപ്പാന്‍
ഭാരമല്ലാമെന്‍ രാജനെടുക്കുന്നു
ഞാനതു ചുമന്നാല്‍ ഭോഷത്തം ഭോഷത്തം
ജീവന്‍ വെടിഞ്ഞാലും ശത്രു എന്‍രാജ്യത്തു കാലൂന്നാനിടവരൊല്ലാ-
7 യൂദ്ധങ്ങളൊഴിഞ്ഞെത്തുമെ ഞാന്‍ രാജധാനിയില്‍
എന്‍കര്‍ത്തനപ്പോളേകുമെന്‍ വിരുതു സര്‍വ്വവും
തല്‍ക്ഷണം തന്നുടെയോമന തൃക്കരം
മുത്തി ഞാന്‍ വാങ്ങുമേയെന്‍ വിരുതൊക്കെയും
നിത്യമായ് ശോഭിപ്പാന്‍ സത്യമായ് മോദിപ്പാന്‍
സ്വര്‍ഗികള്‍ ചുറ്റി നില്‍ക്കവേ-
Download pdf