Lyrics : C.T.M.ക്രിസ്തേശു നാമമഹോ! നിരന്തര വിശ്രാമമേ എനിക്കു
1 പാരം പരിഭ്രമപ്പെട്ടു വലഞ്ഞുള്ള പാപികള്ക്കാസകലം പരി-
തോഷവുമാത്മവിമുക്തിയുമേകിയ നാമമിതേ സതതം-
2 പാപം വഹിച്ചവന് ശാപം സഹിച്ചു വന് ക്രോധവുമേറ്റതിവന് ദേവ-
നീതിക്കു ശാന്തത നല്കിയരിഷ്ടരിന് ശോകവും പേറിയവന്-
3 താതന്റെ മാനസമാരില് പ്രസാദിക്കുമായവനാണിനിമേല് എനി-
ക്കാനന്ദമേകുന്ന ദിവ്യപുരുഷനെന്നായതു ഞാനറിവൂ-
4 ശക്തിയരുളുന്ന ക്രിസ്തുവിന് സാന്നിദ്ധ്യമെപ്പൊഴുമത്യധികം മമ
വ്യക്തമറിയുന്നു തൃപ്തി നിറയുന്നിതുത്തമമാണെനിക്ക്-
5 ദേവസവിധത്തില് നിന്നു കവിഞ്ഞൊഴുകിടുന്ന
വന്കൃപകള് അനുവാസരമാസ്വദിക്കുന്നിതു ക്രിസ്തുവില്
ആവസിപ്പോരധികം
6 തന്നുടെ പൊന്നുകരങ്ങളെല്ലാറ്റിലും കാണുവതേറെ സുഖം തന്റെ-
യുന്നതനാമത്തിലാശ്രയിപ്പോരതി ധന്യരെല്ലാ ദിനവും-
7 ഒന്നുകൊണ്ടും പുനരീയുലകം മമ വാഞ്ഛിതമായിവരാ-പര
മോന്നത നന്ദനനെന്നഭിലാഷമതായി വസിപ്പതിനാല്-
![](images/PDF.gif)
Download pdf