Lyrics : T.V.S.രീതി: യേശുവിന് സ്നേഹത്താല്
ക്രിസ്തേശു നായകന് വാനില് വന്നിടുമേ
ദൂതരോടൊത്തു തന് ശുദ്ധരെ ചേര്ക്കുവാന്
ഹാ! എത്രയാനന്ദം ഓര്ക്കിലെന്നുള്ളത്തില്
ഹാ! എന്തു മോദമേ സ്വര്ഗ്ഗീയ വാസമേ!
1 ലക്ഷ്യങ്ങളെങ്ങുമേ കാണുന്നു സോദരാ
നാള്കള് സമീപമായ് കര്ത്തന് വരവിന്നായ്
ഉണര്ന്നു ഘോഷിക്കാം വാഴ്ത്തി സ്തുതിച്ചിടാം
സ്വര്ലോക നാഥനാം യേശു മഹേശനെ-
2 ആശ്വാസമില്ലാതെ ലോകര് വലയുമ്പോള്
ആശ്വാസം നല്കിടും തന്മക്കള്ക്കെന്നുമേ
ആനന്ദഗാനങ്ങള് പാടിടും ശുദ്ധരും
ആനന്ദമോടവര് ചേരും തന് സന്നിധൗ-
3 ക്രിസ്തേശു നാഥന്നായ് കഷ്ടം സഹിച്ചവര്
തന് തിരുനാമത്തില് തിന്മകളേറ്റവര്
വാങ്ങും പ്രതിഫലം ദൂതര് സദസ്സതില്
സന്തോഷപൂര്ണ്ണരായ് തീര്ന്നിടുമന്നവര്-
4 കാഹളശബ്ദവും കേട്ടിടാന് കാലമായ്
മരിച്ചോരക്ഷണം ഉയിര്ക്കും തേജസ്സില്
ചേര്ന്നിടും ശുദ്ധരും സ്വര്ഗ്ഗ കനാനതില്
വാഴും യുഗായുഗം തേജസ്സില് പൂര്ണ്ണരായ്-
T.V.S
![](images/PDF.gif)
Download pdf