Lyrics : T.K.S.
രീതി: വസന്തരാവിന്റെ
ക്രിസ്തേശുനാഥന്റെ പാദങ്ങള് പിന്തുടരും
നാമെന്തുഭാഗ്യമുള്ളോര്! പ്രിയരേ നാമെന്തു ഭാഗ്യമുള്ളോര്!
നാഥന്റെ കാല്ച്ചുവടു നാള്തോറും പിന്തുടരാന്
മാതൃകയായി താന് നല്ല മാതൃകയായി താന്
1 പാപത്തിന് ശിക്ഷ നീക്കി ഭാവി പ്രത്യാശ നല്കി
ഭാരങ്ങള് നാള്തോറും സര്വ്വഭാരങ്ങള് നാള്തോറും
തന്മേല് വഹിച്ചുകൊണ്ടു ചെമ്മെ നടത്തിടുന്ന-
താനന്ദമാനന്ദം പര-മാനന്ദമാനന്ദം-
2 ബുദ്ധി പറഞ്ഞുതന്നും ശക്തി പകര്ന്നുതന്നും
മുമ്പില് നടക്കുന്നു അവന് മുമ്പില് നടക്കുന്നു
തന്നാദം കേട്ടുകൊണ്ടു പിമ്പേ ഗമിച്ചിടുന്ന-
താനന്ദമാനന്ദം പര-മാനന്ദമാനന്ദം-
3 ക്രിസ്തു എനിക്കു ജീവന് മൃത്യൂ എനിക്കു ലാഭ-
മത്രേയെന്നാണല്ലോ തന്നില് പ്രത്യാശ വച്ചുള്ളോ-
രേതും നിരാശകൂടാതോതുന്നതാകയാലെ-
ന്താനന്ദമാനന്ദം പര-മാനന്ദമാനന്ദം-
4 ലോകത്തിലാശ്രയിച്ചും ഭോഗത്തിലാശവച്ചും
പോകുന്നവരെല്ലാം ഇന്നു പോകുന്നവരെല്ലാം
വേകുന്ന തീക്കടലിലാകുന്ന നേരമതി-
ലാനന്ദമാനന്ദം നമ്മള്-ക്കാനന്ദമാനന്ദം-
T.K.S
![](images/PDF.gif)
Download pdf