Lyrics : T.K.S.
രീതി: യേശു നല്ലവന് എനിക്കു
1 ക്രിസ്തുവിന് ജനങ്ങളേ നമുക്കു ഹാ! ജയം
മൃത്യുവെ ജയിച്ചുയിര്ത്തു തീര്ത്തു താന് ഭയം!
നിത്യഭാഗ്യജീവിതം തരുന്നു നിശ്ചയം ഹാ! എന്താശ്ചര്യം!
2 നാള്ക്കുനാള് ദുഷിച്ചിടുന്ന ലോകജീവിതം
മേല്ക്കുമേല് പ്രയാസമേകും ദൈവമക്കളില്
ഓര്ക്ക, നാഥനേശുവിന്നു ലോകമേതുമേ യോഗ്യമായില്ല-
3 അന്ധകാരമദ്ധ്യേയാണിരുപ്പതെങ്കിലും
ബന്ധുവായവന് നമുക്കു മുമ്പിലുണ്ടതാല്
ബന്ധുരപ്രകാശമേകി വഴി നടത്തിടും എന്തൊരാനന്ദം!
4 ഉറ്റവര് പിരിഞ്ഞുനിന്നു ദുഷ്ടരെന്നപോല്
ചുറ്റിലും ഭയം വരുത്തുവാന് ശ്രമിക്കിലും
പെറ്റതള്ളയില് കവിഞ്ഞു കരുതിടുന്നവന് ക്രിസ്തുമാത്രമാം-
5 പാരിതില് പ്രവാസകാലമെന്ന കാരണം
ഭാരമായിത്തോന്നിടുമിജ്ജീവിത രണം
സാരമില്ലിതല്പ്പകാലം വേഗം തീരണം വാനില് ചേരണം-
6 ശത്രുവോടെതിര്ത്തു നില്ക്കുവാനവന് തരും
ശക്തിയതു ധരിച്ചു ധരയില് നമ്മളേവരും
ശുദ്ധ യുദ്ധം ചെയ്ക, നല്ല വിരുതു താന് തരും, വേഗം താന് വരും
7 അന്ത്യകാല ലക്ഷണങ്ങള് കണ്ടിടുന്നു നാം
വീണ്ടെടുപ്പടുത്തു പോയി തലയുയര്ത്തുവിന്!
പണ്ടുതാന് പറഞ്ഞവാക്കിലുണ്ടിതൊക്കെയും വേണ്ട സംശയം-
T.K.S
![](images/PDF.gif)
Download pdf