112. ഭൂപതിമാര്‍ മുടിമണേ!
ഭൂപതിമാര്‍ മുടിമണേ! വാഴ്ക നീ
പാരില്‍ പെരുത്തപാപം നീങ്ങുവാനിഹ
യാഗമായൊരു നാഥന്‍ നീ
1 സാധുവാമിവന്‍ പുതുജീവനില്‍ കടക്കയാല്‍
സാദരം ഭവല്‍ സ്തുതിചെയ്യുമേ ജയം പാടുമേ സതതം പ്രഭോ-
2 നിന്‍തിരു കൃപയോര്‍ത്താല്‍ ബന്ധുത ലഭിക്കിലും
അന്തമറ്റതിദോഷം ചെയ്തവന്‍ ഫലം കൊയ്തവന്‍ കഠിനന്‍ വിഭോ-
3 നീതിയിന്‍ വിധിക്കുമുന്‍ ഭീതനായ് ഭവിക്കവേ
പാതകനിവന്‍ ബഹുഭാഗ്യമാര്‍ന്നതി- യോഗ്യനായ്ത്തിരുനീതിയാല്‍-
4 രാജനായ് വാഴ്ക നിന്‍ നീതിയാല്‍ ഭരിക്ക നീ
രാജിതമഹസ്സെഴും നാഥനേ! തവ ദാസനെ ഭരമേല്‍ക്ക നീ-
5 നിന്‍തിരു പ്രഭാവമിന്നെന്തു ഞാനുരയ്ക്കുന്നു!
നിന്‍തിരു മുന്നരചര്‍ വീഴുമേ സ്തുതി- പാടുമേ മടിയെന്നിയേ-
6 കാഴ്ചകളോടു തിരുവാഴ്ചയിലവര്‍ വന്നു
വീഴ്ച കൂടാതെ വണങ്ങിടുമേ മുഴങ്ങിടുമേ സ്തുതിഗാനവും-
7 പാതകന്മാര്‍ തിരുമുന്‍ വേദനയോടുഴറി
ഖേദമോടുടന്‍ വിറച്ചിടുമേ ഒളിച്ചിടുമേ തരമാകുകില്‍
8 തീയൊടു മെഴുകുപോലാമവര്‍ നീയോ നിത്യ
സ്ഥായിയായ് പരം വസിച്ചിടുമേ ഭരിച്ചിടുമേ യുഗകാലമായ്-
Download pdf