467. ക്രിസ്തുവിന്‍റെ ദാനം എത്ര മധുരം
‘Like a river glorious’
1 ക്രിസ്തുവിന്‍റെ ദാനം എത്ര മധുരം!
പൂര്‍ണ്ണസമാധാനം പൂര്‍ണ്ണ ആനന്ദം
എത്രയോ വിസ്താരം ഉള്ളോര്‍ നദിപോല്‍!
വര്‍ണ്ണിക്കുവാന്‍ ആഴം നാവിന്നില്ല ചൊല്‍
എന്‍റെ അടിസ്ഥാനം അതു ക്രിസ്തുവില്‍
പൂര്‍ണ്ണസമാധാനം ഉണ്ടീപാറയില്‍
2 പണ്ടു എന്‍റെ പാപം മനസ്സാക്ഷിയെ
കുത്തി ഈ വിലാപം തീര്‍ന്നതെങ്ങനെ?
എന്‍ വിശ്വാസക്കണ്ണു നോക്കി ക്രൂശിന്മേല്‍
എല്ലാം തീര്‍ത്തു തന്നു എന്‍ ഇമ്മാനുവേല്‍-
3 കര്‍ത്തന്നുള്ളം കൈയില്‍ മറഞ്ഞിരിക്കേ
പേയിന്‍ സൂത്രം എന്നില്‍ മുറ്റും വെറുതേ
മല്ലന്‍ ആയുധങ്ങള്‍ എല്ലാം പൊട്ടിപ്പോം
ഇല്ല ചഞ്ചലങ്ങള്‍ ധൈര്യമോ തുലോം
4 ഭയം സംശയങ്ങള്‍ തീരെ നീങ്ങുവാന്‍
എത്ര വാഗ്ദത്തങ്ങള്‍ തന്നിട്ടുണ്ടു താന്‍!
അതില്‍ ഒരു വള്ളി ഇല്ലാതാകുമോ ?
പോകയില്ലോര്‍ പുള്ളി സാത്താനേ നീ പോ-
5 ബുദ്ധിമുട്ടു കഷ്ടം പെരുകി വന്നാല്‍
എനിക്കെന്തു നഷ്ടം ഞാന്‍ കര്‍ത്താവിന്‍ ആള്‍
യേശു താന്‍ എന്‍ സ്വന്തം തന്‍റെ രാജ്യവും
എനിക്കുള്ള അംശം അതാരെടുക്കും?- V.N
Download pdf