Lyrics : V.N1 ക്രിസ്തുമൂലം ദൈവരാജ്യം ലോകത്തില് പ്രത്യക്ഷമായ്
വിശ്വസിക്കത്തക്ക വാക്യം ഇതു സര്വ്വമര്ത്യര്ക്കായ്
ദൈവരാജ്യം സമാധാനം സന്തോഷമതു നീതിയും ശുദ്ധിയും
പുത്രന്മൂലം സൗജന്യദാനം താഴ്മയുള്ളെല്ലാവര്ക്കും
2 സാത്താന് രാജന് സേവയിങ്കല് ഇല്ലയൊരു ലാഭവും
ആത്മനഷ്ടം ഇഹത്തിങ്കല് പിന്നെ നിത്യശാപവും-
3 ആദാം മൂലം വന്ന ശാപം പുത്രന്മൂലം തീര്ന്നെല്ലാം
സര്പ്പം ലോകം ജഡം പാപം ഇവയെല്ലാം ജയിക്കാം-
4 പാപശക്തി അഴിഞ്ഞിടും പുത്രന് രക്തശക്തിയാല്
ഉള്ളമെല്ലാം നിറഞ്ഞിടും ദൈവാത്മാവിന് സ്നേഹത്താല്-
5 രാജ്യക്കാരിന് ഗുരുനാഥന് അതു ദൈവാത്മാവു താന്
യേശുവിലെ ജീവപാത ഏവനും കണ്ടറിവാന്-
6 സത്യപ്രജകളെല്ലാരും രാജകീയ കുലമാം
ദൈവസന്നിധിയില് വാഴും ഇവര്ക്കേ പൗരോഹിത്യം-
7 തുറന്നിരിക്കുന്നു സ്വര്ഗ്ഗം താതനോടും അടുക്കാം
ദൈവദൂതന്മാരിന് വര്ഗ്ഗം സേവയ്ക്കായൊരുക്കമാം-
8 നിത്യജീവന് ഇഹത്തിങ്കല് ദേഹിക്കനുഭവമാം
ദേഹം കര്ത്തന് വരവിങ്കല് പ്രാപിക്കും രൂപാന്തരം-
9 ദൈവമേ! നിന് സ്വര്ഗ്ഗരാജ്യം വന്നതാലെ വന്ദനം
നിന്റെ ജനത്തിന് സൗഭാഗ്യം പറഞ്ഞു തീരാത്തതാം-
V.N
![](images/PDF.gif)
Download pdf