453. ക്രിസ്തുനാഥനെനിക്കുള്ളവന്‍ ഞാനു
രീതി: യേശുവേ എന്‍ പ്രാണനായകാ
ക്രിസ്തുനാഥനെനിക്കുള്ളവന്‍ ഞാനുമവനുള്ളവനാം
തന്‍ നിത്യമാം ദയനിമിത്തം മിത്രമാക്കിത്തീര്‍ത്തു
തന്നോടൊത്തുവാസം ചെയ്തിടുവാന്‍
1 പ്രാര്‍ത്ഥന ചെവിക്കൊള്ളുവാന്‍ പ്രാപ്തനാണെനിക്കുള്ളവന്‍
ഞാനെപ്പൊഴുതപേക്ഷ ചെയ്താലപ്പൊഴേയുപേക്ഷ കൂടാ-
തുത്തരം തരുന്ന പ്രിയന്‍-
2 തന്‍മൊഴികള്‍ കേള്‍ക്കുകയാലെന്‍ മനം കുളിര്‍ക്കുകയാം
തന്‍ കണ്‍മണിപോല്‍ കാത്തിടുന്നു നന്മയില്‍ നടത്തിടുന്നു
കന്മഷമകറ്റിടുന്നു-
3 വീണ്ടെടുത്തു തന്‍ ചോരയാല്‍ വിണ്ണിലെത്തും നാള്‍വരെയും
വീഴ്ചയെന്യേ സൂക്ഷിച്ചെന്നെ തന്‍ മഹിമാസന്നിധിയില്‍
നിര്‍ത്തുവാന്‍ കഴിവുള്ളവന്‍-
Download pdf