144. ക്രിസ്തു നമ്മുടെ നേതാവു
ക്രിസ്തു നമ്മുടെ നേതാവു വീണു കുമ്പിടാം
മൃത്യുവെ വെന്ന ജേതാവു വീണ്ടും വന്നിടും
1 ബേതലഹേമില്‍ ജാതനായ് നമ്മി-
ലാരെയും പോലെയായതിനാലെ
നാള്‍തോറും നമ്മുടെ ഭാരം ചുമക്കും
നല്ല സ്നേഹിതനാം എന്നുമേശു-
2 പാപം വഹിച്ചു പാടു സഹിച്ചു
ക്രൂശില്‍ മരിച്ചു വിജയം വരിച്ചു
താനേ ഉയിര്‍ത്തു സാത്താനെ തകര്‍ത്തു
വാഴുന്നുന്നതത്തില്‍ ഇന്നെന്നേശു-
3 മന്നവന്‍ വന്നാലന്നവനൊന്നായ്
കണ്ണുനീര്‍ തോര്‍ന്നാനന്ദമായ് നന്നായ്
തന്‍മക്കള്‍ ചേര്‍ന്നാലസ്യങ്ങള്‍ തീര്‍ന്നാ-
മോദമായ് വാഴും നാം എന്നുമെന്നും-
4 എന്നും സ്തുതിക്കാം വീണു നമിക്കാം
ജേ ജേ ജയ കാഹളങ്ങള്‍ മുഴക്കാം
നമ്മുടെ നേതാവു നിത്യം ജയിക്ക
ആമേന്‍ ഹല്ലേലുയ്യാ-ഹല്ലേലുയ്യാ-
Download pdf