685. ക്രിസ്തീയ ജീവിതമെന്താനന്ദം
രീതി: ക്രിസ്തേശു നാഥന്‍റെ പാദ
1 ക്രിസ്തീയ ജീവിതമെന്താനന്ദം തന്നിടുന്ന
ഉത്തമ ജീവിതമേ-ഉലകില്‍ ക്രിസ്തീയ ജീവിതമേ
നിസ്തുല്യമഹത്വത്തിന്‍ പ്രത്യാശ നല്‍കിടുന്ന
ഭക്തരിന്‍ ജീവിതമേ പരിശുദ്ധരിന്‍ ജീവിതമേ-
2 ലോകം പകച്ചെന്നാലും സ്നേഹിതര്‍ പഴിച്ചാലും
ദേഹം ക്ഷയിച്ചാലും -മമ ദേഹം ക്ഷയിച്ചാലും
മോക്ഷത്തിലെനിക്കുള്ള നിക്ഷേപമോര്‍ത്തിടുമ്പോള്‍
സന്തോഷം സന്തോഷം ബഹുസന്തോഷം-സന്തോഷം
3 ഖേദം നിറഞ്ഞിടുന്ന വേളയില്‍ പാടിടുവാന്‍
ഗീതങ്ങള്‍ നല്‍കിടുന്നു-പാടാന്‍ ഗീതങ്ങള്‍ നല്‍കിടുന്നു
മാറാത്ത വാഗ്ദത്തങ്ങളോരോന്നും ഓര്‍ത്തിടുമ്പോള്‍
ആമയം നീങ്ങിടുന്നു-ഹൃദി ആനന്ദം നേടിടുന്നു
4 ശത്രു അരികിലുണ്ട് എങ്കിലും ഭയമില്ല
കര്‍ത്താവിന്‍ കൈകളില്‍ ഞാന്‍ എന്‍റെ കര്‍ത്താവിന്‍ കൈകളില്‍ ഞാന്‍
തന്‍ കൈയില്‍നിന്നു പിടിച്ചാരാലും വേര്‍പിരിക്കാന്‍
സാധിക്കയില്ലല്ലോ-ശത്രു നാണിച്ചുപോമല്ലോ-
Download pdf