Lyrics : V.N.1 ക്രിസ്തന് ഭക്തരായുള്ളോരേ! തമ്മില് തമ്മില് സ്നേഹിപ്പിന്
തന്പ്രധാനമാം പ്രമാണം ഇതത്രേ എന്നോര്ക്കുവിന്
നാമന്യോന്യം സ്നേഹിക്കുക ക്രിസ്തന് ശിഷ്യരായോരേ!
നാള്ക്കുനാള് നാം ജ്വലിപ്പിക്ക വിശുദ്ധസ്നേഹാഗ്നിയെ
2 കേടില്ലാത്ത വിത്തിനാലെ പുതുതായി ജനിച്ചോര്
ലോകമോഹം ദൈവദ്രോഹം ഇവയില്നിന്നൊഴിഞ്ഞോര്-
3 ഏക താതന് ഏക നാഥന് ഏകാത്മാവു നമുക്കു
ഏകയാശ ഏകമേശ ക്രിസ്തുവിന് അംഗങ്ങള്ക്കു-
4 സ്വര്ണ്ണം വര്ണ്ണം എന്ന ഭേദം നീങ്ങി ക്രൂശിന് രക്തത്താല്
നാമെല്ലാരും പുത്രന്മാരും പുത്രിമാരും ആത്മാവാല്-
5 പുത്രന് വന്നു രക്ഷ തന്നു ഏവര്ക്കും സൗജന്യമായ്
വേറെ ഒന്നും ഇല്ല ഇന്നും നമുക്കു പ്രശംസയ്ക്കായ്-
6 സത്യഭക്തി സ്നേഹഭക്തിയാലെ ശോഭിച്ചീടണം
ഇല്ലയെങ്കില് ദൈവമുമ്പില് സകലവും നിഷ്ഫലം-
7 സ്നേഹജ്വാല കൃപയാലെ ജ്വലിച്ചിടും ഹൃദയേ
കാഠിന്യങ്ങള് മാലിന്യങ്ങള് വെന്തുപോകുന്നുടനെ-
8 സ്നേഹജീവന് ദൈവജീവന് ദൈവം സ്നേഹം തന്നെയാം
സ്നേഹിക്കില് നാം ദൈവത്തിനും താന് നമുക്കും പാര്പ്പിടം-
9 സ്നേഹജീവന് സ്വര്ഗ്ഗജീവന് സ്വര്ഗ്ഗം എല്ലാം സ്നേഹമാം
അങ്ങെന്നേക്കും പൂര്ണ്ണമാകും ദിവ്യസ്നേഹബന്ധനം-
![](images/PDF.gif)
Download pdf