353. കൃപയേറും കര്‍ത്താവില്‍ എന്നാശ്രയം
1 കൃപയേറും കര്‍ത്താവില്‍ എന്നാശ്രയം എന്നും
അതിനാല്‍ മനം കലങ്ങാതവനിയില്‍ പാര്‍ത്തിടുന്നു
സന്തപങ്ങളകന്നു സംഗീതം പാടിടും ഞാന്‍
പാടും ഞാന്‍ പാടും ഞാന്‍ എന്‍യേശുവിന്നായ് പാടും ഞാന്‍
2 ബലഹീന നേരത്തില്‍ പതറാതെ നിന്നിടുവാന്‍
മനുവേല്‍ തന്‍ വലംകരത്താല്‍ അനുവേലം കാത്തിടുന്നു
വൈരികളിന്‍ നടുവില്‍ വിരുന്നും ഒരുക്കിടുന്നു-
3 പ്രതികൂലമേറുമ്പോള്‍ മനംനൊന്തു കരയുമ്പോള്‍
തിരുമാര്‍വ്വില്‍ ചേര്‍ത്തണച്ചു കണ്ണുനീര്‍ തുടച്ചിടും താന്‍
എന്‍നാവില്‍ നവഗാനം എന്നാളും നല്‍കിടും താന്‍-
4 തിരുനാമം ഘോഷിച്ചും തിരുസ്നേഹം ആസ്വദിച്ചും
ഗുരുനാഥനേശുവിന്നായ് മരുവും ഞാന്‍ പാര്‍ത്തലത്തില്‍
സ്തുതി ഗീതങ്ങളനിശം പാടി പുകഴ്ത്തിടും ഞാന്‍-
Download pdf