679. കൃപയാല്‍ ദൈവത്തിന്‍ പൈതലായ്
കൃപയാല്‍ ദൈവത്തിന്‍ പൈതലായ് ഞാന്‍
കര്‍ത്താവിന്‍ സ്വന്തമായ് കന്മഷം എല്ലാം നീക്കിയെന്‍
കര്‍ത്താവെന്‍ സ്വന്തമായ്
1 അബ്ബാ പിതാവേ എന്നു വിളിക്കാന്‍ ദൈവം
ആത്മാവിനെ തന്നു പുത്രത്വവും തന്നു
അവകാശവും തന്നു കൂട്ടവകാശവും തന്നു-
2 ക്രിസ്തുവിനോടെന്നെ അനുരൂപമായ് മാറ്റാന്‍
കര്‍ത്താവിന്‍ തേജസ്സു പ്രതിബിംബിച്ചിടുവാന്‍
ക്രിസ്തുവിന്‍ നാമം ഏല്‍ക്കുവാന്‍ പാത്രനാക്കി-
3 ബാലശിക്ഷയെന്നില്‍ തരുന്നവന്‍ മകനായ്
ഉതകാത്തവനായ് ഞാന്‍ തീരാതിരിക്കാനായ്
ബലഹീനതയില്‍ ഏകുന്നവന്‍ കൃപയെന്നില്‍-
4 സര്‍വ്വസൃഷ്ടിയും ഞരങ്ങീടുന്നീറ്റുനോവാല്‍
ദൈവമക്കള്‍ ആരെന്നു വെളിപ്പെടും വേഗം
ക്രിസ്തുവിനെപ്പോല്‍ മാറിടും നാമെല്ലാരും-
Download pdf