80. കൂരിരുള്‍നിറഞ്ഞ ലോകത്തില്‍ തേ
കൂരിരുള്‍നിറഞ്ഞ ലോകത്തില്‍ തേജസ്സായിദേവാ നീവന്നു
സ്തുതി മഹിമ കര്‍ത്താവിന്നു
1 നിഷ്കളങ്കയാഗമായ് ക്രൂശിലെന്‍ പരന്‍
അമൂല്യരക്തമേകി മുക്തി മാര്‍ഗ്ഗമായ്
എന്തു ഞാനിതിന്നു ബദലായേകിടും പ്രഭോ!
സ്തുതി മഹിമ കര്‍ത്താവിന്നു
2 മൃത്യുവെ തകര്‍ത്തു ഹാ! എന്തൊരത്ഭുതം
ഭീതിപോക്കി പ്രീതിയേകിയുള്ളത്തില്‍
താതന്‍ ചാരേ പക്ഷവാദം ചെയ്വതും നീയേ
സ്തുതി മഹിമ കര്‍ത്താവിന്നു
3 ഗാനം പാടി വാഴ്ത്തിടും മോദമോടെ ഞാന്‍
വന്‍കടങ്ങള്‍ നിന്‍ കരങ്ങള്‍ തീര്‍ത്തതാല്‍
വാനില്‍ വേഗം വന്നിടും നിന്നന്തികേ ചേര്‍പ്പാന്‍
സ്തുതി മഹിമ കര്‍ത്താവിന്നു
Download pdf