1235. കൂടെ പാര്‍ക്ക നേരം വൈകുന്നിതാ!
‘Abide with me’
1 കൂടെ പാര്‍ക്ക നേരം വൈകുന്നിതാ! കൂരിരുളേറുന്ന പാര്‍ക്ക ദേവാ!
ആശ്രയം വേറില്ലനേരമെനിക്കാശ്രിത വത്സലാ കൂടെ പാര്‍ക്ക-
2 ആയുസ്സാം ചെറുദിനമോടുന്നു ഭൂസന്തോഷമഹിമ മുങ്ങുന്നു
ചുറ്റിലും കാണുന്നു മാറ്റം കേട് മാറ്റമില്ല ദേവാ കൂടെ പാര്‍ക്ക-
3 രാജരാജന്‍ പോല്‍ ഭയങ്കരനായ് യാചകന്‍ സമീപേ വരാതെ നീ
നന്മ ദയ സൗഖ്യമാം നല്‍വരം നല്‍കി രക്ഷിച്ചു നീ കൂടെ പാര്‍ക്ക
4 സദാ നിന്‍ സാന്നിദ്ധ്യം വേണം താതാപാതകന്മേല്‍ ജയം നിന്‍കൃപയാല്‍
തുണ ചെയ്യാന്‍ നീയല്ലാതാരുള്ളു തോഷതാപങ്ങളില്‍ കൂടെ പാര്‍ക്ക-
5 ശത്രുഭയമില്ല നീയുണ്ടെങ്കില്‍ ലോകക്കണ്ണീരിന്നില്ല കയ്പ്പൊട്ടും
പാതാളമേ, ജയമെവിടെ നിന്‍ മൃത്യുമുള്‍പോയ് ജയം കൂടെ പാര്‍ക്ക-
6 കണ്ണടഞ്ഞിടുമ്പോള്‍ നിന്‍ക്രൂശിനെ കാണിക്ക മേല്‍ ലോകമഹിമയും
ഭൂ മിത്ഥ്യ നിഴല്‍ ഗമിക്കുന്നിതാ ഭാഗ്യോദയമായ് നീ കൂടെ പാര്‍ക്ക
Download pdf