544. ഭാഗ്യമിതു പ്രാണസഖേ!
ഭാഗ്യമിതു പ്രാണസഖേ! ഭാഗ്യമിതു
ഭാഗ്യനിധിയാം പരമന്‍ സഭയ്ക്കരുളിയ-ഭാഗ്യമിതു
1 പരമുരുജഡശക്തരില്ല പ്രാപ്തി തോന്നും യോഗ്യരില്ല
പാര്‍ക്കില്‍ കുലശ്രേഷ്ഠരല്ല പരിചോടിതുതാനെനിക്കു മതിയാം
2 തരമെഴുമലങ്കാരമില്ല സ്ഥാനമാനക്ഷോഭമില്ല
പരനോടെതിര്‍ക്കാനേനമില്ല പരിഭവിക്കിലൊ ക്ഷമിക്ക മാത്രമാം
3 ചിലനാളിവിടെ വലയുന്നാകില്‍ ചലിയാതുള്ളീശനിലയം പൂകാം
കുലബലം കുറഞ്ഞിരിക്കിലുമതു വിലയായ് വന്നിടാ പരമന്‍ സന്നിധൗ
4 ജഡികാലംകൃതിയില്ലയെങ്കില്‍ ഫലമൊരു ദോഷം വരുവാനെന്ത്
ജഡമെല്ലാം മണ്ണിന്‍ പൊടിയല്ലയോ?
പൊടിക്കീശന്‍ ഭംഗി കൊടുത്തതു മതി-
5 കളിഘോഷങ്ങളില്‍ രസിപ്പോരല്ല കര്‍ത്തൃഭാവം ധരിപ്പോരല്ല
ബഹുജന സ്തുതിക്കൊതിയരല്ല പരനെനിക്കു കീഴ്പെടണമെന്നില്ല
6 പൊതുഗുണഭേദമോര്‍ക്കാറില്ല പൊന്നിലാശ വയ്പാറില്ല
മതവൈരാഗ്യത്തിന്‍ പീഡയില്ല ഗുണമേ-
വര്‍ക്കുമിന്നൊരുപോല്‍ ചെയ്തിടാം-
7 പരജനപാരമ്പര്യമല്ല തിരുവെഴുത്തുകള്‍ താനാധാരം
കുറവെല്ലാം തീര്‍ക്കാനതുമതിയല്ലാതഖിലം സംശയവിഷയമാം പാര്‍ത്താല്‍
8 മനുജഭുജങ്ങളുയരാനെന്തു? മനുവേലന്‍ കൃപാവരം തന്നില്ലേ?
മനമുണ്ടെങ്കിലിന്നതു മതി സഖേ പണത്താല്‍ ദൈവാത്മവരം ലഭിച്ചിടാ
9 പലകുറവുകളില്‍ നിന്നു പരിചില്‍ നീങ്ങി വരും തന്‍സഭ
പരസുതന്‍റെ വരവിന്‍കാലം പരമന്‍ തങ്കലേക്കെടുക്കപ്പെടുമേ-
10 പരനിന്‍ സവിധം തേടിയോടി വരും വിശ്വാസികളാകെക്കൂടി
പരമജീവകിരീടം ചൂടി വരുംനാളൊന്നു ഞാനറിയുന്നേന്‍ മഹാ
11 ഇവിടെയേറ്റം ദു:ഖിച്ചീടിലവിടെയധികമാശ്വസിക്കാം
നവമാം വാനഭൂമികള്‍ക്കുള്ളവികലമായൊരവകാശം നേടാം-
Download pdf