265. കുരിശില്‍ രുധിരം ചൊരിഞ്ഞു
കുരിശില്‍ രുധിരം ചൊരിഞ്ഞു
രക്ഷകന്‍ ജീവന്‍ വെടിഞ്ഞു
എന്‍പാപശാപം എല്ലാം കളഞ്ഞു
എന്നെ രക്ഷിപ്പാന്‍ കനിഞ്ഞു-എന്നെ
1 ലോകം ഉളവാകും മുന്നേ താന്‍ കണ്ടു അഗതിയെന്നെ
രക്ഷയൊരുക്കി അന്നേ എനിക്കായ്
എത്ര മഹാത്ഭുത സ്നേഹം
2 വിണ്ണില്‍ ജനകന്‍ തന്‍മടിയില്‍ തങ്ങിയിരുന്ന സുതന്‍
എന്നെ തിരഞ്ഞു വന്നു ജഗതിയില്‍
തന്നു തന്‍ ജീവന്‍ എനിക്കായ്-
3 ക്രൂശില്‍ ചൊരിഞ്ഞ രക്തത്താലെന്‍ കുറ്റം ക്ഷമിച്ചു തന്നു
സന്താപം പോക്കി ശത്രുത നീക്കി താന്‍
സന്തോഷം എന്നില്‍ പകര്‍ന്നു-
4 ആണി തുളച്ച തൃപ്പാദത്തില്‍ വീണു വണങ്ങുന്നു ഞാന്‍
സ്തോത്രം സ്തുതികള്‍ക്കിന്നുമെന്നെന്നേക്കും
പാത്രമവനേകന്‍ താന്‍--
Download pdf