306. കാല്‍വറിയില്‍ കാണും സ്നേഹ
കാല്‍വറിയില്‍ കാണും സ്നേഹമത്ഭുതം
വര്‍ണ്ണ്യമല്ലഹോ അതെന്‍റെ നാവിനാല്‍
1 പാപത്തില്‍നിന്നെന്നെ വീണ്ടെടുത്ത സ്നേഹമേ
പാവനനിണം ചൊരിഞ്ഞ ക്രൂശിന്‍ സ്നേഹമേ
എന്‍മനം കവര്‍ന്നു നീ അതുല്യസ്നേഹമേ
മാറ്റമില്ലാ ദിവ്യസ്നേഹം എത്ര അത്ഭുതം-
2 നീങ്ങിപ്പോകും പര്‍വ്വതങ്ങള്‍ കുന്നുകളിവ
കാണുമീ പ്രപഞ്ചവും ധനം മഹിമയും
മര്‍ത്യസ്നേഹം മാറിടും ക്ഷണത്തിലെങ്കിലും
മാറ്റമില്ലാ ദിവ്യസ്നേഹം എത്ര അത്ഭുതം-
3 മൃത്യുവിന്‍റെ ബന്ധനം തകര്‍ത്ത സ്നേഹമേ
ശത്രുവിന്‍റെ ശക്തിയെ ജയിച്ച സ്നേഹമേ
മര്‍ത്യരില്‍ മരണഭീതി നീക്കും സ്നേഹമേ
മാറ്റമില്ലാ ദിവ്യസ്നേഹം എത്ര അത്ഭുതം-
4 വാനമേഘേ സ്വര്‍പ്പൂരേ കരേറിപ്പോയവന്‍
ഇന്നും എന്നും കൂടെയുള്ള നല്ല സ്നേഹിതന്‍
എന്നെ വേഗം ആനയിക്കും സ്വര്‍ഗ്ഗഗേഹത്തില്‍
മാറ്റമില്ലാ ദിവ്യസ്നേഹം എത്ര അത്ഭുതം-
Download pdf