Lyrics : K.V.S.എഫസോസ് സഭയോടു , വെളി. 2:1-7
കാന്തേ! നീ കേള്ക്ക കാമിനിമൗലേ!
1 തന് വലങ്കരമതില് താരകളേഴും താങ്ങിക്കൊണ്ടനിശം
തങ്കവിളക്കുകളേഴിനും നടുവേ തങ്കുന്നെന് വചനം-
2 നിന്റെ പ്രവൃത്തിയും യത്നവും ദുഷ്ടരെ വിട്ടകലും പതിവും
നിന്റെ സഹിഷ്ണുതാശീലവുമിന്നു ഞാന് കണ്ടിരിക്കുന്നു പ്രിയേ-
3 കള്ളയപ്പോസ്തലര് വെള്ളവേഷം ധരിച്ചുള്ളൊരു വേളയില് നീ
കള്ളരെന്നായവര് തമ്മെയറിഞ്ഞുടന് തള്ളിയതും സുകൃതം-
4 ആരുമിളകിടുമാറതിഘോരമായാഞ്ഞടിക്കും പകയി-
ന്നാപ്പെരുങ്കാറ്റിലെന് നാമവുമേന്തി നീ നിന്നതു വന്ദ്യതരം-
5 എങ്കിലുമൊന്നു നീയോര്ക്കുകയേ നിനക്കാദിയിലാദിവസം
കൊണ്ടിരുന്നുള്ളൊരു സ്നേഹമതേവിധം ഉണ്ടോ ഇന്നു തവ?-
6 പേരിനനുസരിച്ചുള്ളൊരയവു തേ വന്നതില് നിന്നിനിയും
വേഗമുണര്ന്നു നിന്നാദ്യനടപടിക്കൊത്തു നടന്നുകൊള്ക-
7 അല്ലയെന്നാകില് ഞാന് വന്നു നിനക്കിപ്പോഴുള്ള പ്രകാശമതും
അല്ലുപോലാക്കിടും നിന്വിളക്കിങ്ങു ഞാന് പിന്വലിച്ചിടുമുടന്-
8 എന്റെ ജനങ്ങളെ കോയ് മകളെന്നപോല് കാല്കീഴ് താഴ്ത്തിവരും
ശുണ്ഠികളാകിയ നിക്കോലാവ്യരെ നീ വെറുക്കുന്നു ശരി-
9 ഞാനുമഹോ! പകയ്ക്കുന്നവരെ ജയാളികള്ക്കൊക്കെയും ഞാന്
ദേവപറുദീസിന് ജീവവൃക്ഷഫലം തിന്മാനായ് കൊടുക്കും-
10 യേശുവിന്നാവിയിന്നീവിധം ചൊന്നിടുന്നെപ്പെസോസ് സഭയേ!
ആര്ക്കു ചെവിയുണ്ടോ ആയവനീ വചസ്സാദരാല് കേട്ടിടട്ടെ-
![](images/PDF.gif)
Download pdf