Lyrics : M.E.C.ഭക്തരിന് വിശ്വാസജീവിതം പോല് ഇത്ര
ഭദ്രമാം ജീവിതം വേറെയുണ്ടോ?
സ്വര്ഗ്ഗപിതാവിന്റെ ദിവ്യഭണ്ഡാരത്തെ
സ്വന്തമായ് കണ്ടു തന് ജീവിതം ചെയ്യുന്ന
1 അന്യദേശത്തു പരദേശിയായ് മന്നിതില് കൂടാര വാസികളായ്
ഉന്നതനാം ദൈവം ശില്പിയായ് നിര്മ്മിച്ച
വന് നഗരത്തിനായ് കാത്തു വസിക്കുന്ന-
2 അഗ്നിമേഘസ്തംഭം തന്നില് ദൈവം
മാറാതെ കാവല് നില്ക്കും മരുവില്
അന്നന്നവന് നല്കും മന്നയില് തൃപ്തരായ്
അക്കരെ വാഗ്ദത്ത നാട്ടിന്നു പോകുന്ന-
3 പിന്നില് മികബലമുള്ളരികള് മുന്നിലോ ചെങ്കടല് വന്തിരകള്
എങ്കിലും വിശ്വാസചെങ്കോലു നീട്ടിവന്
ചെങ്കടലും പിളര്ന്നക്കരെയേറുന്ന-
4 പാപത്തിന് തല്ക്കാലഭോഗം വേണ്ടാ ദൈവജനത്തിന്റെ കഷ്ടം മതി
മിസ്രയീം നിക്ഷേപവസ്തുക്കളെക്കാളും
ക്രിസ്തുവിന് നിന്ദയെ സമ്പത്തെന്നെണ്ണുന്ന-
5 ചങ്ങല ചമ്മട്ടി കല്ലേറുകള് എങ്ങും പരിഹാസം പീഡനങ്ങള്
തിങ്ങുമുപദ്രവം കഷ്ടതയെങ്കിലും ഭംഗമില്ലാതെ സമരം നടത്തുന്ന
6 മൂന്നുയാമങ്ങളും വന്തിരയില് മുങ്ങുമാറായി വലയുകിലും
മുറ്റും കടലിന്മീതെ നാലാം യാമത്തി-
ലുറ്റ സഖിയവന് വന്നിടും തീര്ച്ചയായ്
7 കഷ്ടതയാകും കടും തടവില് ദുഷ്ടലോകം ബന്ധനം ചെയ്യുകില്
ഒട്ടും ഭയമെന്യേയര്ദ്ധരാത്രിയില് സ-
ന്തുഷ്ടരായ് ദൈവത്തെ പാടി സ്തുതിക്കുന്ന-
8 ബുദ്ധിമുട്ടൊക്കെയും പൂര്ണ്ണമായി
ക്രിസ്തുവില് തന്റെ ധനത്തിനൊത്തു
തീര്ത്തു തരുന്നൊരു നമ്മുടെ ദേവന്നു
സ്തോത്രം പാടിടുവിന് ഹല്ലേലുയ്യാ ആമേന്-
![](images/PDF.gif)
Download pdf