261. കാണുക നീയാ കാല്‍വറി തന്നില്‍
രീതി: കാണുക നീയീ കാരുണ്യവാനേ
കാണുക നീയാ കാല്‍വറി തന്നില്‍ കാരിരുമ്പാണികളാല്‍
കാല്‍കരങ്ങള്‍ ബന്ധിതനായി കര്‍ത്തനാമേശുപരന്‍......
1 പാപത്തിന്‍ ശാപം നീക്കിടുവാനായ് പാരിതില്‍ വന്നവനാം
പ്രാണനാഥന്‍ പാപികള്‍ക്കായ് പ്രാണന്‍ വെടിഞ്ഞിടുന്നു--
2 മന്നവനാകും യേശുമഹേശന്‍ മാനവനായ് ധരിയില്‍
വന്ദനത്തിനു യോഗ്യനായോന്‍ നിന്ദിതനായ്ത്തീര്‍ന്നു-
3 ആകുലമാകെ നീക്കിടുവാനായ് വ്യാകുലനായ്ത്തീര്‍ന്ന
ആയിരം പതിനായിരങ്ങളില്‍ സുന്ദരനാം നാഥന്‍--
4 വീടുകളൊരുക്കി വിണ്ണതില്‍ ചേര്‍പ്പാന്‍ വീണ്ടും വരുന്നവനാം
വീണ്ടെടുത്തൊരു തന്‍ ജനത്തിനു വിശ്രമം നല്‍കിടുവാന്‍-
Download pdf