Lyrics : C.T.M.രീതി: പാടും പരമനു പരിചൊടു
കാക്കും സതതവും പരമനെന്നെ-തന്
തിരുചിറകുള്ളിലന്പായ്-കാക്കും സതതവും പരമനെന്നെ
ശത്രുവില് നിന്നുമാത്മ മൃത്യുവില് നിന്നും നീക്കി
സത്യമായ് പാലിച്ചു തന്നിത്യപദത്തിലെന്നെ
1 ഘോരവൈരിയിന് പാശമാകെയറുത്തു മമ
ജീവനെവിടുവിച്ച പ്രാണനാഥന്റെ തിരു-
മേനിയോടണഞ്ഞെല്ലാകാലവും വസിപ്പതി-
ന്നായെന്നടിമ നുകമാകെയകറ്റിയെന്നെ
2 ശത്രു പാഞ്ഞടുക്കുമ്പോള് മിത്രമായ് നിന്നുകൊണ്ട്
ശത്രുവിനെ ജയിപ്പാന് വിദ്രുത വരം നല്കി
കഷ്ടത പെരുകുമ്പോള് ദൃഷ്ടിയിനാല് നടത്തി
ശിഷ്ടരോടണച്ചു സന്തുഷ്ടിപ്പെടുത്തിയെന്നെ-
3 സത്യമാ-മരക്കെട്ടും നീതിയാം കവചവും
വിശ്വാസപ്പരിചയും രക്ഷയിന് ശിരസ്ത്രവും
പാദരക്ഷയായ് സുവിശേഷയത്നവും-പര
മാത്മാവിന് വചനമാം വാളും ധരിപ്പിച്ചെന്നെ-
4 സ്നേഹം സന്തോഷം സമാധാനം വിശുദ്ധി നീതി
ദീര്ഘക്ഷമ വിനയമിന്ദ്രിയജയം തൃപ്തി
ആദിയാം ആത്മാവിന് ഫലങ്ങള് നിറച്ചും അനു-
വാസരം ഹൃദിയിങ്കല് മോദവുമേകിയെന്നെ-
5 ക്ഷാമം പെരുകിയെന്നില് ക്ഷേമം ഇല്ലാതെയാകില്
ആമോദത്തോടു സാരെഫാത്തില് കടത്തുമവന്
ദേശം വരണ്ടു നീരശേഷം വറ്റിപ്പോകുമ്പോള്
ക്ലേശമകറ്റി കെരീതിങ്കലിരുത്തിയെന്നെ
6 അത്തിവൃക്ഷത്തിന് ഫലമൊട്ടുമില്ലാതെയായി
മുന്തിരിവള്ളിയുടെ യത്നവും നിഷ്ഫലമായ്
ഗോശാല ശൂന്യമായി പോകുന്ന സമയത്തും
ആശയോടെന്നും തിരുനാമം പുകഴ്ത്തിടുവെന്-
7 ഇത്രമാത്രവുമല്ല നിന്കൃപയൊന്നിനാല് ഞാന്
പത്രങ്ങള് തളിര്ത്തുള്ളോരുത്തമ വൃക്ഷംപോലെ
പുഷ്ടിയായ് കഷ്ടത്തിലും നഷ്ടത്തിലുമൊരുപോല്
ഇഷ്ടലോകത്തെ നോക്കി ശ്രേഷ്ഠ തേജസ്സില് വാഴാന്-
![](images/PDF.gif)
Download pdf