509. ഭക്തരില്‍ വാത്സല്യമുള്ള ദൈ
രീതി: എന്‍റെ ദൈവം മഹത്ത്വത്തില്‍
1 ഭക്തരില്‍ വാത്സല്യമുള്ള ദൈവമേ നിന്‍ പ്രിയനാമീ
മര്‍ത്ത്യനില്‍ കനിഞ്ഞു ശക്തി നല്‍കണം-ലോക
ശക്തിയെ ജയിച്ചു ജീവിച്ചിടുവാന്‍-
2 അന്ധകാരപ്രഭു തന്‍റെ തന്ത്രമോരോരോ വിധത്തില്‍
ചന്തമോടയച്ചിടുന്നു സന്തതം-എന്‍റെ
ബന്ധുവേ ചിന്തിക്കണം ഞാന്‍ നിന്‍ ഹിതം-
3 ആരുമെന്‍ ജീവിതപാത തുച്ഛമാക്കിടാത്തവണ്ണം
കാര്യമായെന്‍ നില നിന്നില്‍ കാക്കണം-എന്നില്‍
സാരമാം സല്‍ഗുണങ്ങള്‍ വിളങ്ങണം-
4 ക്രിസ്തുവിന്‍ പ്രത്യക്ഷത നാളെത്രയും വേഗത്തിലെന്ന-
ങ്ങോര്‍ത്തു ഞാന്‍ നിത്യവും കാത്തിരിക്കണം-നല്ല
ശ്രദ്ധയോടെന്‍ ജീവിതം നയിക്കണം-
Download pdf