756. കരുതിടും കരുതിടും കരുതിടും
കരുതിടും കരുതിടും കരുതിടും നാഥന്‍
കരതലത്തില്‍ ചേര്‍ത്തണച്ചു കാത്തിടും നാഥന്‍
കഷ്ടനാളില്‍ കൈവിടാതെ തന്‍റെ പക്ഷങ്ങള്‍-
ക്കുള്ളിലഭയം തന്നു സാധു എന്നെ കരുതിടും
1 മനസ്സുരുകി നീറും നേരം തഴുകിടും
മനസ്സലിഞ്ഞു ഏഴയെന്നെ കരുതിടും കണ്ണുനീരെല്ലാം കര്‍ത്തന്‍ തുടച്ചിടും
എന്‍റെയുള്ളം കുതൂഹലത്താല്‍ നിറഞ്ഞു കവിഞ്ഞിടും
2 മരണനിഴലിന്‍ വഴികളില്‍ തുണ വരും
അരിഗണത്തെ ജയിച്ചിടാന്‍ കൃപതരും സര്‍വ്വഭീതിയും അകലെ അകറ്റിടും
എന്നെയെന്നും പരിചരിച്ചു നാഥന്‍ നടത്തിടും-
3 സുഗന്ധതൈലം എന്‍റെ തലയില്‍ പകര്‍ന്നിടും
പുതിയ കൃപകള്‍ നാള്‍കള്‍തോറും തുടര്‍ന്നിടും
സ്തോത്രഗീതമെന്‍ നാവിലുയര്‍ന്നിടും
എന്നും നാഥന്‍ പിരിഞ്ഞിടാതെന്നരികില്‍ പാര്‍ത്തിടും-
4 പരമസീയോന്‍ പുരിയില്‍ നാഥനൊരുക്കിടും
പുതിയ വീട്ടില്‍ചെന്നു ഞാനും ചേര്‍ന്നിടും ദു:ഖമില്ലിനി മരണമില്ലിനി
നിത്യമോദം അനുഭവിച്ചു നിത്യം വാഴും ഞാന്‍-
Download pdf