437. കരുണാനിധിയാം താതനേ! നിന്‍
കരുണാനിധിയാം താതനേ! നിന്‍വചനത്തിന്‍
മഹിമാവനന്തമീശനേ! പരലോകലിപികളാല്‍
പരിശോഭിച്ചിടുമിതു സ്മരണം ചെയ്തടിയങ്ങള്‍
തിരുനാമം വാഴ്ത്തിടുന്നു-
1 കനിവേറും രക്ഷിതാവിന്‍റെ സ്വാഗതസ്വനം
വിതറുന്നു സ്വര്‍ഗ്ഗ ശാന്തിയെ അഴിവില്ലാജ്ജീവനുമ-
ങ്ങളവില്ലാ പ്രമോദവും അണയുന്നു നിന്‍റെ ദിവ്യധ്വനി
കേള്‍ക്കുന്നതുനേരം-
2 സുരലോക രേഖകളിതു സര്‍വ്വനേരവും മമ മോദമായിരിക്കണം
ദിനവും പുതിയ ഭംഗി വളരും വെളിച്ചമിവ
ഇതില്‍നിന്നു കണ്ടിടുവാന്‍ തുണ ചെയ്ക പരമാത്മന്‍-
3 പരമഗുരുവാം നാഥനേ! ദയനിറഞ്ഞ പരനേ! സകലനാളും നീ
അരികേയിരുന്നു നിന്‍റെ തിരുവാചമഭ്യസിപ്പാന്‍
അരുളേണം കൃപയെന്നു തവ ദാസരുരയ്ക്കുന്നു-
Download pdf