611. കര്‍ത്തൃനാമം മൂലമെല്ലാ
രീതി: വെളിച്ചത്തിന്‍ കതിരുകള്‍
1 കര്‍ത്തൃനാമം മൂലമെല്ലാ തിന്മയും നിങ്ങളെക്കൊണ്ട്
കളവായി ചൊല്ലിടുമ്പോള്‍ നിങ്ങളേറ്റം ഭാഗ്യവാന്മാര്‍-
2 ആത്മാവില്‍ ദരിദ്രരായിത്തീര്‍ന്നവരാം ഭാഗ്യവാന്മാര്‍
ആധിവേണ്ട സ്വര്‍ഗ്ഗരാജ്യം നിത്യമവര്‍ക്കുള്ളതല്ലോ-
3 ദു:ഖിക്കുന്നോര്‍ ഭാഗ്യവാന്മാര്‍ ലഭ്യമാകുമാശ്വാസവും
സൗഖ്യവും സംപ്രാപ്തമാകും സത്യനാഥന്‍ സാമീപ്യവും
4 സൗമ്യതയുള്ളവരെന്നും സന്തുഷ്ടന്മാര്‍ ഭാഗ്യവാന്മാര്‍
ഭൂമിയവരവകാശമാക്കിയെന്നും വാഴും ന്യൂനം-
5 നീതിക്കു വിശന്നു ദാഹിക്കുന്നവരോ ഭാഗ്യവാന്മാര്‍
നീതിയാല്‍ സംതൃപ്തരാകും നീതിമാന്‍ നിമിത്തമായി-
6 കാരുണീകര്‍ ഭാഗ്യവാന്മാര്‍ കാരുണ്യമവര്‍ക്കു കിട്ടും
കാരണീകന്‍ കാക്കും മുറ്റും ഭാരം ലവലേശം വേണ്ട
7 ശുദ്ധിയുള്ള ഹൃദയമാം സിദ്ധിയുള്ളോര്‍ ഭാഗ്യവാന്മാര്‍
ഭക്തിയോടെ പാര്‍ത്താല്‍ നിത്യം പരിശുദ്ധിമാനെ പാര്‍ക്കാം-
8 സമാധാനം സാദ്ധ്യമാക്കും സോദരരോ ഭാഗ്യവാന്മാര്‍
സര്‍വ്വേശന്‍ തന്നുടെ സുതരെന്നവര്‍ വിളിക്കപ്പെടും-
9 നീതിക്കായി പീഡനങ്ങള്‍ ഏല്‍ക്കുവോരേ സന്തോഷിപ്പിന്‍
ദൈവരാജ്യം നിങ്ങളുടെ ദിവ്യമായോരവകാശം-
Download pdf