688. കര്‍ത്താവുയിര്‍ത്തുയരേ ഇന്നും
കര്‍ത്താവുയിര്‍ത്തുയരേ ഇന്നും നമുക്കായി ജീവിക്കുന്നു
ആകയാല്‍ ജയഗീതങ്ങള്‍ പാടി കീര്‍ത്തിക്കാം തന്‍മഹത്വം
1 വല്ലഭനായ് വാഴുന്നവന്‍ എല്ലാധികാരവുമുള്ളവനായ്
നല്ലവനിത്രയുമുന്നതനവനെ നമുക്കിന്നനുഗമിക്കാം-
2 മൃത്യുവിനാല്‍ മാറിടുന്ന മര്‍ത്യനില്‍ ചാരിടുന്നവരൊടുവില്‍
വിലപിതരാമെന്നാല്‍ ചാരുന്നു നാം വലിയവന്‍ ക്രിസ്തുവില്‍ ഹാ!
3 വിളിച്ചു നമ്മെ വേര്‍തിരിച്ച വിമലന്‍റെ സല്‍ഗുണം ഘോഷിച്ചു നാം
പാര്‍ത്തിടാം പാരിതിലനുദിനവും പരമമോദിതരായ്-
4 ഹല്ലേലുയ്യാ ഹല്ലേലുയ്യാ ഹല്ലേലുയ്യാ ജയം ഹല്ലേലുയ്യാ!
മന്നവനേശു മഹോന്നതനെന്നും മഹത്വം ഹല്ലേലുയ്യാ!-
Download pdf