708. കര്‍ത്താവു ഞങ്ങള്‍ക്കു സങ്കേത
സങ്കീ. 90, രീതി: എന്തതിശയമേ
കര്‍ത്താവു ഞങ്ങള്‍ക്കു സങ്കേതമാണെന്നും
ശാശ്വതദൈവമെന്നും-എന്നാല്‍
ശോഭിക്കും രാവിലെ വാടും പൂവെന്നപോല്‍ മായുന്നു മന്നില്‍ നരന്‍
1 മണ്ണിനാല്‍ നിര്‍മ്മിച്ചു ദൈവം മനുഷ്യനെ
മന്നില്‍ മോദേന വാഴാന്‍-എന്നാല്‍
മന്നില്‍ പാപമൂലം മര്‍ത്യനായ് തീര്‍ന്നവന്‍ മണ്ണില്‍ ലയിച്ചിടുന്നു-
2 ശക്തനെന്നാകിലും ഭക്തനെന്നാകിലും
മന്നനെന്നായിടിലും-പാരം
കണ്ണീരോടെ വന്നു വേഗേന തീരുന്നു നിത്യലോകം ചേരുന്നു-
3 അന്ത്യനാളിന്നായിട്ടെണ്ണാന്‍ കഴിയണേ
ഞങ്ങള്‍ക്കറിവില്ലതില്‍-പാരം
ജ്ഞാനം പ്രാപിച്ചിടാന്‍ നിന്‍പാത കാംക്ഷിപ്പാന്‍ ആവേശമേകിടേണം-
4 ബാല്യവും യൗവനകാലവും മായയാം
ഭാഗ്യനാള്‍ അന്ത്യമാകാം-ദേവാ!
ജീവിതം ധന്യമായ് കാത്തിടുവാനെന്നും കാരുണ്യമേകിടേണം-
5 തോന്നേണമേ സഹതാപമീയേഴയില്‍
ഭാരങ്ങളേറുന്നേരം-ദേവാ
തൃപ്തരാക്കിടണം നിന്‍ദയയാല്‍ ഞങ്ങള്‍ ഘോഷിപ്പാനായുസ്സെല്ലാം-
6 ഇന്നു കാണുന്നവന്‍ നാളെ കാണാതാകാം
ശാശ്വതമല്ലൊന്നുമേ-ഭൂവില്‍
നീ വിളിക്കുന്നേരം ആരറിയും ദേവാ! സ്വസ്ഥത നിന്‍ സവിധേ-
7 ഒന്നുമില്ലാതെ നാം വന്നു, ഭൂവില്‍നിന്നും
ഒന്നുമില്ലാതെ പോകും-എന്നാല്‍
കര്‍ത്താവിനെന്നപോല്‍ ചെയ്തതാം നന്മകള്‍ പിന്‍ചെല്ലും നിത്യതയില്‍
8 കാഹളനാദം ധ്വനിക്കുവോളം ലോകം
നീറുന്നു ദീനതയില്‍-ദേവാ! ആശ്വാസമേകുക
നിന്‍വാക്കിനാല്‍ ഞങ്ങള്‍ ആശ്വാസമുള്‍ക്കൊള്ളുവാന്‍-
Download pdf