1187. കര്‍ത്താവേയേകണമേ നിന്‍റെ കൃപ
രീതി: പ്രാര്‍ത്ഥന കേള്‍ക്കേണമേ
കര്‍ത്താവേയേകണമേ നിന്‍റെ കൃപ നിത്യമീ ദാസനു നീ
1 ജീവിതപാതയില്‍ വീണുപോകാതെന്നും
ഈ ലോകേ കാക്കേണമേ -കൃപാനിധേ താവക ദാസനെയും-
2 ശോധനവേളയില്‍ ആകുലനാകാതെ
നാഥാ! കരുതേണമേ -അനുദിനം താവകദാസനെയും
3 ക്ഷീണിച്ചിടാതെയെന്‍ ഓട്ടം തികയ്ക്കുവാന്‍
ത്രാണിയേകിടണമേ -ദയാപരാ! ദാസനാമീയെനിക്കു-
4 നല്‍കുന്ന ഭാരങ്ങള്‍ താങ്ങിടുവാനായി
നല്ല കരുത്തു നല്‍കി -താങ്ങേണമേ താവകദാസനെയും-
5 എന്‍ മനോഭാരങ്ങള്‍ നീക്കിടുവാന്‍ ബലം
എന്‍മനസ്സിന്നു നല്‍കി-പാലിക്കണേ താവകദാസനെയും-
6 ദുഃഖസമുദ്രത്തില്‍ ആഴ്ത്തിക്കളഞ്ഞിടും
വന്‍കാറ്റില്‍നിന്നുമെന്നും-കാക്കേണമേ താവകദാസനെയും-
Download pdf