762. കര്‍ത്താവില്‍ സന്തോഷിക്കും എപ്പോഴും
കര്‍ത്താവില്‍ സന്തോഷിക്കും എപ്പോഴും സന്തോഷിക്കും
എന്തുമെന്‍ ജീവിതപാതയില്‍ വന്നാലും എപ്പോഴും സന്തോഷിക്കും
1 മാനസഖേദങ്ങള്‍ മാറിടും മാനുവേല്‍ തന്മാറില്‍ ചാരും നേരം
മാറാതെ നിത്യവും കൂടെ വരും മിത്രമെന്നേശു മാത്രം-
2 എന്നാളും ഞാനവന്‍ സ്വന്തമാം എന്തൊരു സൗഭാഗ്യബന്ധമാം
മൃത്യുവോ ജീവനോ സാദ്ധ്യമല്ല ഈ ബന്ധം വേര്‍പിരിപ്പാന്‍-
3 സ്നേഹക്കൊടിയെന്‍റെ മീതെയും ശാശ്വതഭുജങ്ങള്‍ കീഴെയും
സ്വര്‍ഗ്ഗീയ ദൂതഗണങ്ങള്‍ ചുറ്റും സന്തതം ഉണ്ടെനിക്ക്-
4 കണ്ണുനീരിന്‍ നാളുകള്‍ തീര്‍ന്നിടും കര്‍ത്താവിന്‍ വീട്ടില്‍ ഞാന്‍ ചേര്‍ന്നിടും
കാലങ്ങളെണ്ണി ഞാനോരോ ദിനം കാത്തിടുന്നെന്‍റെ മനം-
Download pdf