821. ക്രൂശെടുത്തെന്നെയനുഗമിക്ക സ്നേ
ക്രൂശെടുത്തെന്നെയനുഗമിക്ക സ്നേഹമോടീശന്‍ വിളിയേകി
യേശുക്രിസ്തുവിന്‍ വിളികേട്ടാല്‍ കുറഞ്ഞോരു ത്യാഗം
സഹിക്കാമോ? സകലവും വെടിഞ്ഞെന്‍ നായകനെ
പിന്തിരിയാതെയനുഗമിക്കാം
1 യൗവ്വനമോഹം ജഡമോഹം അവനിയിതേകും സുഖമെല്ലാം
തവനാമം ഞാനേറ്റപ്പോള്‍ അവിശങ്കം ബലിയര്‍പ്പിച്ചു-
2 ഉലകിന്‍ സൗഖ്യം പുല്ലിന്‍ പൂവുലരുംപോലെ വാടിപ്പോം
നിലയം നിന്നില്‍ ഏകിയതാല്‍ ഉലരാതടിയന്‍ ശോഭിക്കും-
3 വന്‍ മുറിവേറ്റ പൊന്‍കരങ്ങള്‍ അന്‍പോടെന്‍മേല്‍ വച്ചപ്പോള്‍
ആനന്ദത്തിന്‍ അനുഭൂതി മനതാരില്‍ വന്നലതല്ലി-
4 താതന്‍ ജനനീ സഹചാരി സോദരീ സോദരര്‍ സ്വയജീവന്‍
അതിവേഗം വെടിഞ്ഞിവയെല്ലാം പതറാതേശുവെ സേവിക്കാം
Download pdf