268. കണ്ടാലും കാല്‍വറിയില്‍ കുരിശില്‍
കണ്ടാലും കാല്‍വറിയില്‍
കുരിശില്‍ ശിരസ്സതും ചാഞ്ഞു പരന്‍
കണ്ടീടുക പ്രിയനേ! നിനക്കായ്
തൂങ്ങിടുന്നു മൂന്നാണികളില്‍
1 ശിരസ്സില്‍ മുള്‍മുടി അണിഞ്ഞവനായ്
ഹൃദയം നിന്ദയാല്‍ തകര്‍ന്നവനായ്
വേദനയാലേറ്റം വലഞ്ഞവനായ്
തന്‍ ജീവനെ വെടിയുന്നു സ്വയം നിനക്കായ്-
2 ലോകസ്ഥാപനം മുതല്‍ അറുക്കപ്പെട്ട
കളങ്കമില്ല ദൈവകുഞ്ഞാടിതാ
ലോകത്തിന്‍ പാപങ്ങള്‍ ചുമന്നുകൊണ്ട്
വാനിനും ഭൂവിനും മദ്ധ്യേ തൂങ്ങിടുന്നു-
3 സമൃദ്ധിയായ് ജീവജലം തരുവാന്‍
പാനീയയാഗമായ്ത്തീര്‍ന്നവന്
കയ്പുനീര്‍ ദാഹത്തിനേകീടവേ
നിനക്കായവനായതും പാനം ചെയ്തു-
4 പാതകര്‍ക്കായ് ക്ഷമ യാചിച്ചവന്‍
പാതകലോകം വെടിഞ്ഞിടുമ്പോള്‍
നിവൃത്തിയായ് സകലമെന്നോതിയഹോ
സ്വന്ത പ്രാണന്‍ പിതാവിനെയേല്‍പ്പിക്കുന്നു-
5 തന്‍തിരുമേനി തകര്‍ന്നതിനാല്‍
തങ്കനിണം ചിന്തിയതിനാല്‍
നിന്‍വിലയല്ലോ നല്‍കിയവന്‍
നിന്നെ സ്വര്‍ഗ്ഗീയ സമ്പൂര്‍ണ്ണനാക്കിടുവാന്‍-
Download pdf