427. ഒരു ചെറു താരകംപോല്‍ ഒരു ചെറു
ഒരു ചെറു താരകംപോല്‍ ഒരു ചെറു കൈത്തിരിപോല്‍
വിളങ്ങേണം നിനക്കായെന്‍ നാളുകള്‍ തീരും വരെ
1 എന്‍കുറവുകള്‍ ഓര്‍ക്കാതെ എന്‍വീഴ്ചകള്‍ കണക്കിടാതെ
നിന്‍കൃപകള്‍ ചൊരിഞ്ഞെന്നെ നിന്‍പാതേ നടത്തിടണേ-
2 പലവിധമാം ശോധനയിന്‍ വലയില്‍ ഞാന്‍ വീണിടുമ്പോള്‍
വലഞ്ഞിടാതെ നിന്നിടുവാന്‍ ബലം എനിക്കേകിടണേ-
3 എന്‍ താലന്തുകള്‍ അഖിലം എന്‍മാനവും ധനവുമെല്ലാം
എന്‍ജീവിതം സമ്പൂര്‍ണ്ണമായ് നിന്‍മുമ്പില്‍ സമര്‍പ്പിക്കുന്നേ-
4 പെരും താപത്താല്‍ അലഞ്ഞിടുമ്പോള്‍ വെറും നാമമാത്രമായ് തീരുമ്പോള്‍
ഇരുകരങ്ങളാല്‍ താങ്ങിയെന്നെ തിരുമാര്‍വ്വോടണച്ചിടണേ
Download pdf