Lyrics : T.K.S.
രീതി: ഇന്നും രാവിലെ വന്നു
1 ഏതു നേരവുമേശുനാഥനെന്നാശ്രയമതാലേതുമേ
ഭീതി കൂടാതെ പാരിതിലധിവാസം ഞാന് തുടര്ന്നിടുമേ
2 സാത്താനോരോരോ തന്ത്രങ്ങള് മൂലം താഴ്ത്താനായ് സമീപിച്ചാലും
കൈത്താങ്ങല് തന്നുയര്ത്തിടുന്നേശു ക്രിസ്തനാം കരുത്തുള്ളവന്-
3 വന്നിരാശകള് വന്നെന് മാനസേ വാണിടാന് തുടങ്ങിടുമ്പോള്
എന്നിലുമെന് പിതാവിലും നമ്പുകെന്നവനന്പോടോതിടും-
4 ആവശ്യങ്ങളലട്ടിടുന്നൊരു നേരത്തു തന്റെ ചാരത്തു
ആശ്വാസം തേടി ഞാനണഞ്ഞിടും താനെനിക്കൊരു സമ്പത്ത്-
5 രോഗങ്ങള് ദേഹമാക്രമിക്കിലും ശോകമില്ലതിലൊന്നിലും
ജീവദായകനേശു നായകനെന് സഹായകനെപ്പോഴും-
6 എന്റെ നാടിവിടിന്നില്ല ഭൂമി തന്റെ നാടാകുമന്നല്ലാ-
താനന്ദം ഭൂമിവാസത്തിലില്ല താനെന്റെ പരമാനന്ദം- T.K.S.
![](images/PDF.gif)
Download pdf