207. ഉന്നത നന്ദനനേ! ദേവാ!
രീതി: ദൈവത്തിന്‍ കുഞ്ഞാടേ
ഉന്നത നന്ദനനേ! ദേവാ! വന്ദനം വന്ദനമേ!
നന്ദിയോടെ തിരുനാമത്തെ ഞങ്ങളി
ന്നാര്‍ത്തുഘോഷിച്ചിടുന്നേ
1 മാനവ രക്ഷകനായ് നീയോ ദീനത പൂണ്ടധികം
വാന ഭൂപാതാളമെന്നിവയ്ക്കേക മനോഹര നായകനായ്
2 നീ മരണം സഹിച്ചു തേജസ്സായതിനാല്‍ ധരിച്ചു
മാമഹത്ത്വം നിന്‍ സിംഹാസനത്തിന്നലങ്കാരമതായ് ഭവിച്ചു
3 ശത്രുസംഹാരമതും നിന്‍റെ മിത്രരിന്‍ രക്ഷണവും
തത്ര ലഭിച്ചിവിടായിരമാണ്ടിനി വാഴുന്ന ദൈവസുതാ!
4 അന്യജനത്തെയും നിന്‍ കീഴില്‍ തന്നു പിതാവതിനാല്‍
അന്നവര്‍ നിന്‍റെ പ്രസാദമന്വേഷിച്ചു വന്നിടുമാസ്ഥയോടെ-
5 രാജരും പ്രഭുസുതരും സര്‍വ്വമാനവ ഗോത്രങ്ങളും
പൂജിക്കും നിന്നെയവര്‍ മഹത്ത്വം നിന്‍റെ പാദത്തിലര്‍പ്പിച്ചിടും-
6 മൂപ്പന്മാര്‍ ജീവികളും സ്വര്‍ഗ്ഗസേനകളാസകലം രാപ്പകല്‍
വാഴ്ത്തും മനോഹരനാമത്തെ വാഴ്ത്തിടുന്നീയടിയാര്‍
7 ഞങ്ങളോ നിന്നടിയാര്‍ നിന്‍റെ നന്മയോ വന്മധുരം
മംഗലമായനുവാസരമാസ്വദിക്കുന്നു പരാപരനേ!- C.T.M
Download pdf