1094. ഉണരുവിന്‍! ഉണരുവിന്‍! ഊതുവിന്‍
ഉണരുവിന്‍! ഉണരുവിന്‍! ഊതുവിന്‍ കാഹളം!
പോകുവിന്‍ സുവിശേഷക്കൊടികളേന്തി നാം
1 മൃത്യുവിന്നടിമയായ് ആയിരങ്ങളനുദിനം
നാശത്തിന്‍റെ പാതയില്‍ പതിച്ചിടുന്നിതാ
അന്ധകാരം ഭൂമിയെയും കൂരിരുട്ടു ജാതിയെയും
മൂടിടുവാന്‍ കാലമേറെയില്ലല്ലോ-ഇല്ലല്ലോ-
2 ലോകമോഹം വെടിഞ്ഞു നാം ലോകേയോട്ടം തികച്ചിടാം
പോര്‍ക്കളത്തില്‍ പോരിന്നായ് അണിനിരന്നിടാം
കൂടെയുണ്ടു നായകന്‍ യൂദയിലെ സിംഹമായ്
ഭയപ്പെടാതെ ധീരമായ് മുന്നേറിടാം-മുന്നേറിടാം-
3 കഷ്ടതകളേറ്റവര്‍ നിന്ദിതരായ് തീര്‍ന്നവര്‍
കര്‍ത്തനേശുരാജന്നായ് ത്യാഗമേറ്റവര്‍
വാങ്ങിടും പ്രതിഫലം രാജന്‍സേവ ചെയ്തതാല്‍
തേജസ്സില്‍ സമ്പൂര്‍ണ്ണരായി വാഴുമേ-വാഴുമേ
Download pdf