660. ഈ വഴി വളരെ ഇടുക്കം ഞെരുക്കം
1 ഈ വഴി വളരെ ഇടുക്കം ഞെരുക്കം ആരിതു കടന്നിടുമോ?
കൂട്ടുകാര്‍ ചുരുക്കം സഹായികള്‍ ചുരുക്കം ഹാ! ഇതല്ലോ മോക്ഷവഴി
കഷ്ടതകള്‍ തീര്‍ക്കുവാന്‍ സിദ്ധന്മാരെ ചേര്‍ക്കുവാന്‍
പെട്ടെന്നേശു വന്നിടുമേ മുട്ടുകള്‍ തീര്‍ത്തിടും കണ്ണുനീര്‍
തുടയ്ക്കും ദു:ഖമെല്ലാം തീര്‍ത്തിടുമേ
2 ആരുള്ളു ചാരുവാന്‍ എന്‍മണവാളനൊഴികെ
ഞെരുക്കമുള്ളീ മരുവില്‍ ആവശ്യം വളരെ തന്‍
വാഗ്ദത്തം ഉണ്ടല്ലോ ആയതെല്ലാം സത്യമല്ലോ-
3 മരണം വരെയും തിരുരക്തത്താലും തിരുവചനം വഴിയും
പരിശുദ്ധാത്മാവിലും പരിശുദ്ധമാകണം കറ തീരെ ഇല്ലാതെ-
4 ഞാന്‍ കുറയുന്നെങ്കിലോ യേശു എന്നില്‍ വളരട്ടെ
മഹത്വം അവനിരിക്കട്ടെ ഞാനവനായ് ചാകണം
എങ്കിലോ വേണ്ടില്ല ആയിരങ്ങള്‍ ജീവിക്കട്ടെ-
5 കണ്ണുനീരിന്‍ താഴ്വര നിന്ദകള്‍ കുറവില്ല എങ്കിലുമുണ്ടാശ്വാസം
യേശുവിന്‍ സാക്ഷ്യവും സത്യവചനവും മാത്രമല്ലൊ വരുത്തുന്നിത്
6 കൂട്ടുകാര്‍ ദുഷിക്കട്ടെ നാട്ടുകാര്‍ പഴിക്കട്ടെ യേശു ഇന്നും ജീവിക്കുന്നു
വിട്ടതും വെടിഞ്ഞതും യേശുവിന്‍ പ്രബോധനം അനുസരിച്ചാണല്ലോ ഞാന്‍
7 കൂലിക്കാരല്ല ഞാന്‍ യേശുവിന്‍ സ്ഥാനാപതി
തെരഞ്ഞെടുക്കപ്പെട്ടവന്‍ ഞാന്‍ രാജകീയ പുരോഹിതന്‍
വിശുദ്ധവംശക്കാരന്‍ ഞാന്‍ സ്വന്തക്കാരനാണല്ലോ ഞാന്‍-
Download pdf