852. ഈ ധരിത്രിയില്‍ എന്നെ പരിപാലിപ്പാന്‍
രീതി: നാം വിമുക്തന്മാര്‍
ഈ ധരിത്രിയില്‍ എന്നെ പരിപാലിപ്പാന്‍-പരന്‍
അരികിലുണ്ടെന്നും പിരിഞ്ഞിടാതെ
1 എന്‍ബലവും അവലംബവും താന്‍ സങ്കേതവുമെന്‍റെ കോട്ടയുമേ
ആകയാല്‍ ഞാന്‍ ധൈര്യമോടെ ഹാ! എന്നും പാര്‍ക്കുന്നവന്‍ മറവില്‍-
2 താവക പാലനമീയുലകില്‍ രാവിലും പകലിലും നല്‍കിയെന്നെ
കാവല്‍ ചെയ്തു കാക്കും മരുപ്രവാസം തീരുന്നതുവരെയും-
3 തന്നിടുമഖിലവുമെന്നിടയന്‍ അന്നന്നുവേണ്ടതെന്തെന്നറിഞ്ഞ്
സാന്ത്വനപ്രദായകമാം തന്‍മൊഴിയെന്‍ വിനയകറ്റും-
4 ക്രൂശിലോളമെന്നെ സ്നേഹിച്ചതാല്‍ നിത്യതയില്‍ ചെന്നുചേരുവോളം
തന്‍റെ സ്നേഹമെന്നിലെന്നും കുറഞ്ഞിടാതെ തുടര്‍ന്നിടുമേ-
5 ദൈവിക ചിന്തകളാലെ ഹൃദി മോദമിയന്നു നിരാമയനായ്
ഹല്ലേലുയ്യാ പാടി നിത്യം പ്രത്യാശയോടെ വസിച്ചിടും ഞാന്‍- C.J
Download pdf