1 ഇഹത്തിലെ ദുരിതങ്ങള് തീരാറായ് നാം
പരത്തിലേക്കുയരും നാള് വരുമല്ലോ
വിശുദ്ധന്മാരുയിര്ക്കും പറന്നുയരും വേഗം
വന്നിടും കാന്തന്റെ മുഖം കാണ്മാന്
വാനസേനയുമായ് വരും പ്രിയന്
വാനമേഘേ വരുമല്ലോ
വരവേറ്റം സമീപമായ് ഒരുങ്ങുക സഹജരേ
സ്വര്ഗ്ഗീയ മണാളനെ എതിരേല്പ്പാന്-
2 അവര് തന്റെ ജനം താന് അവരോടുകൂടെ
വസിക്കും കണ്ണീരെല്ലാം തുടച്ചിടും നാള്
മൃത്യുവും ദുഃഖവും മുറവിളിയും നിന്ദ
കഷ്ടതയുമിനി തീണ്ടുകില്ല-
3 കൊടുങ്കാറ്റലറിവന്നു കടലിളകിടിലും
കടലലകളിലെന്നെ കൈവിടാത്തവന്
കരം തന്നു കാത്തുസൂക്ഷിച്ചരുമയായി തന്റെ
വരവിന് പ്രത്യാശയോടെ നടത്തിടുമേ-
4 തന് കൃപകളെന്നുമോര്ത്തു പാടിടും ഞാന്
തന്റെ മുഖശോഭ നോക്കി ഓടിടും ഞാന്
പെറ്റ തള്ള തന്കുഞ്ഞിനെ മറന്നിടിലും എന്നെ
മറക്കാത്ത മന്നവന് മാറാത്തവന്-
![](images/PDF.gif)
Download pdf