1192. ഇന്നേരം പ്രിയ ദൈവമേ! നിന്നാ
രീതി: വന്ദനം യേശുനാഥനേ
ഇന്നേരം പ്രിയ ദൈവമേ! നിന്നാത്മശക്തി
തന്നാലും പ്രാര്‍ത്ഥിച്ചിടുവാന്‍ നിന്നോടു പ്രാര്‍ത്ഥിച്ചിടാന്‍
നിന്നടിയങ്ങള്‍ നിന്‍റെ സന്നിധാനത്തില്‍ വന്നു
ചേര്‍ന്നിരിക്കുന്നു നാഥാ-
1 നിന്തിരു പാദപീഠത്തില്‍ അണയുവതിനെന്തുള്ളു ഞങ്ങളപ്പനേ!
നിന്‍തിരുസുതനേശുവിന്‍ തിരുജഡം ഭുവി-
ചിന്തിയോര്‍ പുതുവഴി തുറന്നു പ്രതിഷ്ഠിച്ചതാല്‍-
2 മന്ദതയെല്ലാം നീക്കുകേ നിന്നടിയാരില്‍
തന്നരുള്‍ നല്ലുണര്‍ച്ചയെ വന്നിടുന്നൊരു ക്ഷീണം
നിദ്രാമയക്കമിവയൊന്നാകെ നീയകറ്റി തന്നിടുകാത്മശക്തി-
3 ഓരോ ചിന്തകള്‍ ഞങ്ങളില്‍ വരുന്നേ മനസ്സോരോന്നും പതറിടുന്നേ
ഘോരവൈരിയോടു നീ പോരാടിയടിയര്‍ക്കു
ചോരയാല്‍ ജയം നല്‍കിടേണം പരമാനാഥാ!-
4 നിന്തിരു വാഗ്ദത്തങ്ങളെ മനതളിരില്‍ ചിന്തിച്ചു നല്ല ധൈര്യമായ്
ശാന്തതയോടും ഭവല്‍ സന്നിധി ബോധത്തോടും
സന്തതം പ്രാര്‍ത്ഥിച്ചിടാന്‍ നിന്‍തുണ നല്‍കിടേണം-
5 നീയല്ലാതാരുമില്ലയ്യോ! ഞങ്ങള്‍ക്കഭയം നീയല്ലോ പ്രാണനാഥനേ!
നീ യാചന കേട്ടിടാതായാല്‍ പിശാചിന്നുടെ
മായാവലയില്‍ നാശമായിടുമായതിനാല്‍-
Download pdf